ووٹ ان کا جودلوں کا سودا کرتےہیں :ایم کیو ایم کا اہم فیصلہ

عمران خان اچھا آدمی مگرووٹ اپوزیشن کودیں گے:اطلاعات کے مطابق ایم کیو ایم کے کنوینئر خالد مقبول صدیقی نے دوٹوک اعلان کیا ہے کہ 9 اپریل کو تحریک عدم اعتماد پر اپوزیشن کو ووٹ دیں گے۔

ذرائع کے مطابق مسلم لیگ ن کے صدر میاں نواز شریف کا کنونئیر ایم کیو ایم ڈاکٹر خالد مقبول صدیقی سے ٹیلیفونک رابطہ ہوا جس میں سپریم کورٹ کے فیصلے پر نواز شریف نے خالد مقبول کو مبارکباد دی۔

نوازشریف نے کہا کہ سپریم کورٹ کا فیصلہ آئین و قانون کی جیت ہے اس جیت میں ایم کیو ایم کا اہم کردار ہے۔ نواز شریف نے مستقبل میں ایم کیو ایم کو ساتھ لے کر چلنے اور ورکنگ ریلیشن کو مزید مضبوط کرنے کے عزم کا بھی اعادہ کیا۔

خالد مقبول صدیقی نے نوازشریف کو یقین دہانی کروائی کہ ہم آئین اور قانون کے ساتھ کھڑے ہے ہم اپوزیشن کے ساتھ کھڑے ہیں 9 اپریل کو تحریک عدم اعتماد پر اپوزیشن کو ووٹ دیں گے آج جمہوریت کی فتح ہوئی ہے۔

یاد رہےکہ سپریم کورٹ نے 3 اپریل کی ڈپٹی اسپیکر قومی اسمبلی کی رولنگ کو کالعدم قرار دیتے ہوئے تحریک عدم اعتماد کو برقرار رکھا ہے۔ عدالت نے قومی اسمبلی تحلیل کرنے کا فیصلہ مسترد کرتے ہوئے کابینہ کو بھی بحال کر دیا ہے۔