وہاج علی ابھرتے ہوئے سٹار ہیں انہوں نے اپنی جاندار اداکاری سےثابت کیا ہے کہ وہ ایک سٹار ہیں، ان کے ڈرامہ تیرے بم ا ور مجھے پیار ہوا تھا نے ان کی شہرت میںمزید اضافہ کیا ہے. اس وقت ہر طرف وہاج علی کے چرچے ہیں اور وہ ڈرامہ اور فلم میکرز کی اولین چوائس بھی بن گئے ہیں ، یہاں تک کہ جونئیر سمجھ کر وہاج کے ساتھ کام کرنے سے انکار کرنے والی ہیروئنز بھی ان کے ساتھ کام کرنے کی خواہش رکھنے لگی ہیں.
وہاج علی نے بڑی سکرین پر بھی اینٹری دے دی ہے، اور تیری میری کہانیاں میںانہوں نے مہوش حیات کے مقابلے میںکردار کرکے ثابت کیا ہے کہ وہ فواد خان کے بعد اگلے سپر سٹار ہیں.” وہاج علی جب گزشتہ روز کیو سینما پہنچے تو وہاں ان کے مداحوں کا ایک بڑا ہجوم موجود تھا ”جس نے ان کو گھیر لیا، مداحوں کے درمیان وہاج علی بھی بہت اچھا محسوس کررہے تھے. وہاج علی مداحوں کے ساتھ سیلفیاں لیتے رہے ، اور ان کو آٹو گراف بھی دیتے رہے. وہاج علی نے اپنے مداحوں کے ساتھ مل کر تیری میری کہانیاں دیکھی. وہاج علی نے لاہور میں ہونے والے ایونٹ کے بعد ٹویٹر اکاوئنٹ پر ایک وڈیو شئیر کی اور اسکا کیپشن لکھا لاہور لاہور ہے.