سابق وزیراعلی پنجاب چوہدری پرویز الہی کی منی لانڈرنگ کے مقدمے میں رہائی کا معاملہ ،بینکنگ جرائم کورٹ نے چوہدری پرویز الہی کو 5 لاکھ روپے کے مچلکے جمع کروانے کی ہدایت کر رکھی ہے
چوہدری پرویز الہی کی ضمانت منظوری کے باوجود مچلکے جمع نہ ہونے سے رہائی نہیں ہوسکی تھی، سرمد غنی چھٹہ کا کہنا ہے کہ ضمانت منظوری کے تین دن بعد مچلکے جمع کروا دیے گئے مچلکوں کی منظوری کے بعد روبکار کچھ دیر بعد جاری ہو جائے گی،روبکار جاری ہونے کے بعد جیل کے وقت کے مطابق پانچ بجے چوہدری پرویز الہی کی رہائی ہو جائے گی،چوہدری پرویز الہی کو مزید کسی نئے یا پرانے مقدمے میں لاہور ہائیکورٹ نے گرفتاری سے روک رکھا ہے
دوسری جانب پرویز الہیٰ کیمپ جیل میں ہیں، کیمپ جیل کے باہر پولیس کی بھاری نفری موجود ہے، کیمپ جیل میں پرویز الہیٰ کی رہائی کا انتظار کیا جا رہا ہے تو دوسری جانب انہیں کسی اور مقدمے میں گرفتار کئے جانے کا امکان تھا تا ہم ابھی تک پرویز الہیٰ کو رہائی نہیں مل سکی،
واضح رہے کہ گزشتہ روز لاہور ہائیکورٹ میں سابق وزیراعلیٰ پنجاب پرویز الہی اورانکے بیٹے راسخ الہی کی درخواستوں پر سماعت ہوئی، سماعت جسٹس امجد رفیق نے کی ،پرویز الٰہی کے وکیل عامر سعید راں نے کہا کہپرویز الٰہی نے اس وقت تمام مقدمات میں ضمانت حاصل کر لی ہے پرویزالہی کو مسلسل سیاسی انتقام کا نشانہ بنایا جا رہا ہے غالب مارکیٹ مقدمہ میں دوران جوڈیشل ریمانڈ ان کی گرفتاری نہیں کی گئی خدشہ ہے کہ رہائی کے بعد انہیں اس مقدمہ میں دوبارہ گرفتار کر لیا جائے گا پشاور ہائیکورٹ نے علی محمد کے خلاف متعدد کیسز درج کرنے پر گرفتار کرنے سے روک دیا ہے اور ریمارکس میں پی ٹی آئی رہنما کو پوشیدہ مقدمات میں گرفتار کرنے سے روکا گیا ہے وکیل نے استدعا کی کہ عدالت پولیس کو گرفتاری سے روکنے اور کسی مقدمہ میں گرفتاری سے قبل تین روز میں متعلقہ عدالت سے رجوع کرنے کے لیے وقت دینے کے احکامات صادر کیے جائیں
عدالت نے پرویزالہیٰ اور راسخ الہی کی درخواستوں پر محفوظ فیصلہ سنا دیا اور پرویز الہیٰ کو کسی بھی مقدمے میں گرفتار کرنے سے روک دیا .سرکاری وکیل نے پرویزالہیٰ کی پٹیشن کی مخالفت کی اور مؤقف پیش کیا کہ ایسا ریلیف نہیں دیا جا سکتا جس کی نظیر نہ ہو
پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز
خدشہ ہے کہ پرویز الٰہی کو گرفتار کر لیا جائیگا
پرویز الہیٰ کے خلاف ایک اور مقدمہ درج کر لیا گیا ،
Leave a reply
