![waris baig](https://baaghitv.com/wp-content/uploads/2023/08/waris-baig.jpg)
معروف گلوکار وارث بیگ نے اپنے حالیہ انٹرویو میں کہا ہے کہ مجھے ایک بار حمزہ شہباز شریف نے اپنے گھر کھانے پر بلایا اور میں چلا گیا ، ہم نے بہت ہی اچھے ماحول میں کھانا کھایا ، اس کے بعد باتیں کیں، تو حمزہ شہباز نے کہا کہ آئیں ہم گانے گاتے ہیں ، میں اٹھا اور میں نے کہا کہ جی ٹھیک ہے بتائیے کہاں بیٹھ کر گانا گانا ہے تو ہم ایک جگہ پر بیٹھ گئے. میں نے 4 گانے سنائے ، تو حمزہ شہباز نے بہت پسند کیا. اس کے بعد میں نے ان سے کہا کہ حمزہ آپ بھی گانا سنائیے.
تو ”انہوں نے مجھے 17 گانے سنائے، میں نے میاںنواز شریف اور شہباز شریف کی آواز بھی سن رکھی ہے”ان دونوں کی آواز بہت ہی خوبصورت ہے . لیکن حمزہ شہباز شریف کی آواز سنی تو مجھے ایسا لگا کہ حمزہ شہباز کی آواز میاں نواز شریف اور میاں شہباز شریف سے زیادہ اچھی ہے اور ان کے گانوں کا ذوق بھی بہت بہترین ہے. یاد رہے کہ وارث بیگ کی میاںبرادران کے ساتھ کافی ملاقاتیں رہی ہیں اور یہ ان کے کافی قریب بھی سمجھے جاتے ہیں. وارث بیگ نے نوے کی دہائی میں اپنی میوزک کا کیرئیر شروع کیا جو کہ آج تک جاری و ساری ہے.