1300 فٹ پر پینے کے قابل پانی کے لیے 20 ٹیوب ویلز لگائے جارہے ہیں . واسا

لاہور : لاہوریوں کو پینے کا صاف پانی فراہم کرنے کا اعلان کرتے ہوئے واسا نے لاہور میں‌20 نئے ٹیوب ویلز لگانے کا فیصلہ کیا ہے . پانی کے معیار کو جانچنے کے لیے واسا کا زیر زمین پانی سے متعلق ماڈلنگ اور سٹڈی کروانے کا فیصلہ، ایم ڈی واسا سے نیسپاک کے وفد نے ملاقات کی اور میکنیزم پر تبادلہ خیال کیا۔

واسا ذرائع کے مطابق واٹر ایکسپرٹ ڈاکٹر افتخار صابر نے جی ایم نیسپاک جاوید منیر سے ملاقات کی اورڈیٹا بیس ماڈل کے خدوخال پر تبادلہ خیال کیا گیا۔ ایم ڈی واسا سید زاہد عزیز نے ڈائریکٹر ہائیڈرولوجی عارف بٹ، ڈائریکٹرز پی اینڈ ڈی اور واسا جی آئی ایس ٹیم کے ساتھ شرکت کی۔

پڑھی لکھی اسمبلی کے ممبران پارلیمانی روایت سے ناواقف نکلے، درد سر بن گئے

جی ایم نیسپاک سے ملاقات میں یہ طئے کیا گیا کہ سٹڈی کو 20 مہینے میں مکمل کیا جائے گا اور پیپرا رولز کے تحت کنسلٹنٹ کو ہائر کیا جائے گا اور فیز وائز پانچ مقاصد حاصل کیے جائیں گے۔

جی ایم نیسپاک اور ایم دی واسا کے درمیان ہونے والی ملاقات میں بریفنگ میں بتایا گیا کہ سنٹرل ڈیٹا بیس کا قیام ماڈل کی تخلیق کیا جائے گا، تجرباتی بنیادوں پر شہر میں 1300 فٹ گہرے 20 ٹیوب ویلوں کی تنصیب کا کام کیا جائے گا، گراؤنڈ واٹر فلو ماڈل اور سالوٹ ٹرانسپورٹ ماڈل کا قیام ہے۔