ٹی وی دیکھ کرحیران رہ گیا کہ اس قدرشرپھیلائی جارہی ہے:پرویزخٹک منافقانہ صحافت پربرس پڑے

اسلام آباد:ٹی وی دیکھ کرحیران رہ گیا کہ اس قدرشرپھیلائی جارہی ہے:پرویزخٹک منافقانہ صحافت پربرس پڑے ،اطلاعات کے مطابق تحریک انصاف اور اتحادی جماعتوں کی پارلیمانی پارٹی اجلاس میں وزیراعظم عمران خان سے تلخ کلامی کے معاملے پر وزیر دفاع پرویز خٹک کا رد عمل سامنے آگیا ہے۔

وزیر دفاع پرویز خٹک نے صحافیوں سے گفتگو میں بتایا کہ کسی سے تلخ کلامی نہیں ہوئی، میں نے اپنے حق کی بات کی۔جب ان سے پوچھا گیا کہ آپ اجلاس سے اٹھ کر باہر کیوں گئے تھے تو انہوں نے کہا کہ اجلاس سے ناراض ہوکر نہیں بلکہ سگریٹ پینے باہرگیا تھا۔

پرویز خٹک کا مزید کہنا تھا کہ اختلاف کوئی نہیں صرف گیس کی بات ہوئی تھی، وزیراعظم سے اختلاف کبھی نہیں ہوا۔

جب ان سے پوچھا گیا کہ کیا وزیر اعظم پر آپ کو اعتماد ہے؟ تو پرویز خٹک نے جواب دیا کہ وزیراعظم پر 100 فیصد اعتماد ہے، گیس کی بات ہوئی ہے پرابلم کو زیر بحث لائے ہیں، کسی مسئلے کو زیر بحث لائیں تو اسے اختلاف نہیں کہتے۔

پرویز خٹک سے جب پوچھا گیا کہ کوئی فارورڈ بلاک تو نہیں بن رہاتو انہوں نے کہا کہ ہم کسی کو فارورڈ بلاک بنانے ہی نہیں دیں گے۔جو ایسی خواہش رکھتے ہیں وہ پہلے کی طرح اب بھی نامراد ہوں گے

یہ بھی معلوم ہوا ہے کہ بعد ازاں وزیراعظم عمران خان نے اپنے چیمبر میں وزیر دفاع پرویز خٹک سے علیحدہ ملاقات کی جس میں عمر ایوب بھی موجود تھے۔ اس ملاقات میں پرویزخٹک اور عمران خان کے درمیان اچھے موڈ اور ماحول میں بات ہوئی اور میڈیا پرچلنے والی من گھڑت خبروں کی مذمت بھی کی

اس ملاقات کے بعد پرویز خٹک نے میڈیا سے گفتگو میں کہا کہ ٹی وی دیکھ کر حیران تھا جیسے میں نے کوئی طوفان کھڑا کردیا، صرف گیس کے مسائل پر ڈسکشن ہوئی، میرا سوال تھا کہ جو ہماری گیس کی اسکیمیں ہیں وہ چلنی چاہئیں، میں نے ایسی کوئی بات نہیں کہی کہ ووٹ نہیں دوں گا، یہ پارٹی کی اندرونی بات ہے، میں نے کوئی سخت بات نہیں کی، وزیراعظم کے نہ خلاف ہوں نہ ہوسکتا ہوں اور نہ ہی سوچ سکتا ہوں۔

پرویزخٹک کا کہنا تھا کہ میری وضاحت کےبعد بھی اگرکوئی میرے سے یہ غلط بیانی منسوب کرتا ہے تو پھریہ اس کی اصلیت ، حقیقت اور بربریت ہے

قبل ازیں حکومت مخالف میڈیا چینلز پر یہ جھوٹی اور فیک کہانی چلائی گئی تھی کہ وزیراعظم عمران خان کی زیرصدارت پارلیمانی پارٹی کے اجلاس میں وزیر دفاع پرویز خٹک اور وزیراعظم کےدرمیان تلخ جملوں کا تبادلہ ہو ہے۔اور پرویزخٹک نے وزیراعظم کو سخت جملے کہے جبکہ پرویزخٹک نے ان کی تردید بھی کردی ہے