جدہ :جدہ میں پانی کی سپلائی معطل ،اہم وجہ سامنے آگئی ،اطلاعات کے مطابق مقامی حکومت نے جدہ کے کچھ مقامات میں پانی کی فراہمی بند ہونے کی اطلاع دی ہے، پانی کی بندش کا مقصد ان علاقوں میں پانی کی لائنوں کی صفائی کرنا ہے۔
دوسری طرف یہ بھی اطلاعات آرہی ہیںکہ جدہ میں پانی کا بحران بڑھتا ہی جارہاہے اوراگربہترمنصوبہ بندی نہ کی گئی تو یہ سخت پریشانی کا سبب بھی بن سکتا ہے
اس حوالے سے سعودی واٹر کمپنی کا کہنا ہے کہ جدہ کے 9 علاقوں میں پانی کی سپلائی 20 دسمبر سے 2 دن کے لیے معطل رہے گی۔
سعودی ذرائع ابلاغ نے واٹر کمپنی کی جانب سے جاری بیان کے حوالے سے کہا ہے کہ بروز اتوار 20 دسمبر سے جن علاقوں میں پانی کی فراہمی بند کی جائے گی ان میں الھنداویہ، الثعالبہ ، القریات السبیل، الصحیفہ ، العماریہ ، البلد، الکندرہ اور السنابل شامل ہیں۔
