وزیرِخارجہ بلاول بھٹو زرداری کل سے دورۂ امریکہ کے لیے روانہ ہوں گے.
وزیرخارجہ بلاول بھٹو بدھ سے 21 دسمبر تک امریکا کا دورہ کریں گے ۔ترجمان دفتر خارجہ کے مطابق وزیرخارجہ بلاول بھٹو 15 اور 16 دسمبر کو نیویارک میںوزراء خارجہ جی 77 اور چین کی وزارتی کانفرنس کی میزبانی کریں گے، وزیر خارجہ اقوام متحدہ کے سیکرٹری جنرل انتونیوگوتریس سے بھی ملاقات کریں گے۔
دفتر خارجہ کی جانب سے جاری شیڈول کے مطابق وزیر خارجہ عالمی امن و سلامتی کے موضوع پر اقوام متحدہ سکیورٹی کونسل مباحثے میں شرکت کریں گے، اس کے بعد بلاول بھٹو 19 دسمبر کو واشنگٹن جائیں گے، وزیر خارجہ امریکی کانگریسی رہنمائوں سے اہم ملاقاتیں کریں گے۔وزیرخارجہ بلاول بھٹو کے دورہ امریکا میں حکومتی عہدیداروں اور پاکستانی امریکی سرمایہ کاروں سے ملاقاتیں بھی شیڈول کا حصہ ہیں۔
15 اور 16 دسمبر کو نیویارک میں وزیرِخارجہ جی 77 اور چین کی بین الوزرا کانفرنس کی میزبانی اور صدارت کریں گے۔ اس کانفرنس کے ایجنڈے میں کورونا وبا، موسمی آفات اور جغرافیائی سیاسی پیش رفت کے تناظر میں پائیدار ترقی کے اہداف کے حصول میں ترقی پذیر ممالک کو درپیش چیلنجز پر بحث شامل ہے۔‘
مزید یہ بھی پڑھیں.
تاریخی معاہدے کی منظوری ، وزیر اعظم وفاقی کابینہ اجلاس کی صدارت آج کرینگے
نئی جگہ ہجرت کرنے والے بچوں کی کونسلنگ والدین کی بھاری ذمہ داری /
برطانیہ میں شدید برفباری سے مواصلات کا نظام بری طرح متاثر ،ڈیڑھ سو پروازیں منسوخ
نوجوانوں کیلیے وزیراعظم قرضہ اسکیم بحال
زائد اثاثہ جات کیس؛ سلمان شہباز کی 14 روزہ حفاظتی ضمانت منظور
دورے کے دوران وزیرِخارجہ اقوام متحدہ کے سیکریٹری جنرل انتونیو گوتریس سے ملاقات کریں گے اور بدھ کو منعقد ہونے والے ’بین الاقوامی امن اور سلامتی کی بحالی‘ کے موضوع پر اقوام متحدہ کی سلامتی کونسل میں ایک اعلیٰ سطحی مباحثے میں بھی حصہ لیں گے۔
دفتر خارجہ کے مطابق ’وزیر خارجہ 19 دسمبر کو واشنگٹن ڈی سی کا دورہ کریں گے جہاں وہ اعلیٰ سطح کے سرکاری حکام، کانگریس کے رہنماؤں، پاکستانی نژاد امریکی تاجروں اور پاکستانی کمیونٹی کے ارکان سے ملاقاتیں کریں گے۔ سرکاری ملاقاتوں کے دوران باہمی دلچسپی کے دوطرفہ اور علاقائی امور پر تبادلہ خیال کیا جائے گا تاکہ پاکستان اور امریکہ کے دوطرفہ تعلقات بالخصوص تجارت، سرمایہ کاری، موسمیاتی چیلنجز اور اقتصادی ترقی کے شعبوں میں تعاون کو آگے بڑھایا جا سکے۔