ہم سب نے ملکر کراچی کو سرسبز اور خوشنما بنانا ہے:معاون خصوصی

0
22

کراچی: ہم سب نے ملکر کراچی کو سرسبز اور خوشنما بنانا ہے:اطلاعات کے مطابق وزیر اعلی سندھ کے معاون خصوصی برائے ڈسٹرکٹ کیماڑی آصف خان نے کہا ہے کہ چیرمین بلاول بھٹو کے وژن گرین کراچی کے مطابق ہم سب نے ملکر کراچی کو سرسبز اور خوشنما بنانا ہے

ان خیالات کا اظہار انہوں نے بلدیہ ٹاؤن میں جامعہ سلیم مدرسہ کی جانب سے شجرکاری مہم اور جشن آزادی کے حوالہ سے پرچم کشائی کی تقریب میں بطور مہمان خصوصی شرکت کی تقریب کا آغاز پودا لگا کر کیا گیا اور مدرسہ کے بچوں کے ساتھ پرچم کشائی کرکے جشن آزادی کی تقریب منائی گئی مدرسہ کے بچوں کی جانب سے ملی نغموں اورٹیبلو پیش کیئے گئے اور شجرکاری مہم میں بچوں نے بھی پودے لگائے

معاون خصوصی آصف خان نے اس موقع پر گفتگو کرتے ہوئے کہا کہ ان بچوں جوش خروش دیکھ کر بے انتہا خوشی محسوس ہورہی ہے ان کے جوش و جذبہ اوربلخصوص دینی شعار کا خیال انکے ہر عمل میں نظر ّرہا ہے یہ آپکے مدرسہ کی تربیت کا ہی نتیجہ ہے جو ان کے نظم وضبط کو دیکھتے ہوئے محسوس ہو رہا ہے

میں آپ سب کواپنے چیئرمین کا پیغام دیتا ہوں کہ ہم سب نے مل کر اس شہر کو گرین کراچی بنانا ہے یہ شہر ہم سب کا ہے اس کو سرسبز و شاداب بناکر خوشنما کراچی قائم کر سکتے ہیں لہذا آج آپ سب وعدہ کریں کہ ہر بچہ ایک پودا لگائے گا بھی اور اس کی حفاظت بھی کر یگا اس موقع پر انکے ہمراہ دینی مدارس کے معلم،علاقائی عہداران اور معززین علاقہ بھی موجود تھے۔

Leave a reply