ڈسٹرکٹ پولیس آفیسر محمد علی وسیم نے آفس سپرینٹنڈنٹ مہر افضل سیال کا ضلع خانیوال سے سی ٹی او آفس ملتان ٹرانسفر ہونے پر ان کے اعزاز میں الوداعی تقریب کا اہتمام
ڈسٹرکٹ پولیس آفیسر محمد علی وسیم خانیوال نے آفس سپرینٹنڈنٹ مہر افضل سیال کا ضلع خانیوال سے سی ٹی او آفس ملتان ٹرانسفر ہونے پر ان کے اعزاز میں الوداعی تقریب کا اہتمام کیا اور ان کی پیشہ ورانہ خدمات کو سراہتے ہوئے ان کو یادگاری شیلڈ پیش کی۔
آفس سپرینٹنڈنٹ مہر افضل سیال کا ضلع خانیوال سے ملتان ٹرانسفر ہونے پر ڈی پی او محمدعلی وسیم نے ان کے اعزاز میں ایک الوداعی تقریب کا اہتمام کیا۔اس تقریب میں انسپکٹر مہر سعید احمد ، انچارج سی آئی اے انسپکٹر گل محمد، پی اے ٹو ڈی پی او حماد حسن، مرغوب الحسن،انچارج سیکورٹی افسر راؤمحمد سلیم اور تمام برانچز کے انچارج موجود تھے۔
ڈی پی او محمد علی وسیم نے تقریب سے خطاب کرتے ہوئے کہا ٹرانسفر پوسٹنگ ملازمت کا حصہ ہے۔میں ان کے لیے دعا گو ہوں کہ یہ جہاں بھی رہیں اللہ تعالیٰ انکا مددگار رہے اور مزید کامیابیوں سے آپ کو سرفراز کرے۔آخر میں ڈی پی او محمد علی وسیم نے آفس سپرینٹنڈنٹ مہر افضل سیال کی محکمہ پولیس کے لیے پیشہ ورانہ خدمات کو سراہتے ہوئے انہیں اعزازی شیلڈ سے نوازا اور ان کی پوسٹنگ کے لیے نیک خواہشات کا اظہار کیا۔
