سونو سود بالی وڈ کے بہترین اداکاروں میں سے ایک ہیں۔ ان کے کریڈٹ پر بہترین فلمیںہیں ، انہوں نے سلمان خان کے ساتھ بھی کام کیا. اپنی بہترین اداکاری کی وجہ سے سونو شائقین کے پسندیدہ بن چکے ہیں.ان کے بارےمیں یہ بھی مشہور ہےکہ انہوں نے کورونا کے دنوں میں بہت سارے لوگوں کی مدد کی. اداکار نے حال ہی میں ٹویٹر پر ایک سیشن رکھا جس میں انہوں نے اپنے مداحوں کے سوالات کے جوابات دئیے.ایک مداح نے ان سے شاہ رخ خان کے ساتھ کام کرنے کے بارے میں پوچھا۔ اور یہ بھی پوچھا کہ ایس آر کے کے ساتھ کام کرنے کا آپ کا تجربہ کیسا رہا؟
کیا ہم دوبارہ ایک ساتھ فلم کی توقع کر سکتے ہیں؟ جواب میں سونو نےکہا کہ شاہ رخ خان بہترین اداکار ہیں ان کے ساتھ کام کرنے کا تجربہ بہترین رہا ہے اگر مجھے ان کے ساتھ کام کرنے کا موقع دوبارہ ملا اور سکرپٹ اچھا ہوا تو یقینا ہم دونوں ایک ساتھ کام کریں گے. یاد رہے کہ شاہ رخ خان اور سونو سود نے ایک ساتھ فرح خان کی فلم ہیپی نیو ائیر میںکام کیا تھا. ان کی جوڑی کو بہت زیادہ پسند کیا گیا تھا. شائقین ان کو ایک ساتھ دوبارہ دیکھنے کےلئے بےتاب ہیں.
