ول اسمتھ نے "آسکرز” کی رکنیت سے استعفیٰ دے دیا

"آسکرز” ایوارڈ شو کی سالانہ 94 ویں تقریب کے دوران میزبان کرس راک کو ’تھپڑ‘ مارنے کے بعد تنقید ہونے پر ہا لی ووڈ اداکار ول اسمتھ نے اکیڈمی کی رکنیت چھوڑ دی۔

باغی ٹی وی : غیر ملکی میڈیا کے مطابق ول اسمتھ نے "دی اکیڈمی آف موشن پکچرز آرٹس اینڈ سائنس” کی رکنیت سے استعفیٰ دے دیا، ول اسمتھ نے یکم اپریل کو ’آسکر‘ انتظامیہ کو استعفیٰ بھجوایا تھا، جسے فوری طور پر منظور کرلیا گیا۔

ول اسمتھ نے کرس راک سے معافی مانگ لی

ول اسمتھ نے رکنیت چھوڑنے کے علاوہ اس عزم کا اعادہ بھی کیا ہے کہ وہ "آسکرز” انتظامیہ کی جانب سے اپنے خلاف کی جانے والی ہر طرح کی کارروائی برداشت کرنے کو تیار ہیں۔

دوسری جانب "آسکرز” انتظامیہ نے بھی ول اسمتھ کا استعفیٰ منظور کرنے کی تصدیق کرتے ہوئے کہا ہے کہ ان کے خلاف مزید کارروائی سے متعلق فیصلہ 18 اپریل کے بعد ہوگا۔

"آسکرز” انتظامیہ کے مطابق ول اسمتھ کی جانب سے کیے گئے نامناسب عمل پر ان کے خلاف کارروائی کرنے کا فیصلہ اکیڈمی کے آئندہ اجلاس میں کیا جائے گا اور یہ کہ اداکار کا عمل کسی طرح بھی قابل قبول نہیں اکیڈمی کے ضوابط بنے ہوئے ہیں اور کسی کو بھی ان کی خلاف ورزی کی اجازت نہیں ہوتی۔

رز احمد آسکر ایوراڈ جیتنے والے پہلی مسلمان اداکار بن گئے

رکنیت چھوڑنے کے بعد ول اسمتھ اب "آسکرز” ایوارڈز کے لیے نامزد ہونے والی فلموں کے لیے ووٹنگ نہیں کر پائیں گے اور ممکنہ طور پر ان کے خلاف انتظامیہ سزا کا اعلان بھی کرے گی۔

ول اسمتھ نے 28 مارچ کو لاس اینجلس میں ہونے والی تقریب کے دوران میزبان کرس راک کو اہلیہ جیڈا اسمتھ پنکٹ کے بالوں کا مذاق بنانے پر براہ راست نشریات کے دوران تھپڑ رسید کردیا تھا تھپڑ مارنے کے ایک گھنٹے بعد اسی تقریب میں ول اسمتھ نے پہلی بار ’بہترین اداکار‘ کا "آسکرز” ایوارڈ بھی جیتا اور وصول کیا تھا۔

میزبان کو تھپڑ رسید کرنے کے باوجود شو میں بیٹھے رہنے پر ول اسمتھ کو تنقید کا نشانہ بنایا جا رہا تھا تنقید کے بعد ول اسمتھ نے کرس راک سے معافی بھی مانگی تھی-

آسکر ایوارڈز کی رنگا رنگ تقریب میں بھی تھپڑ چل گئے