ریحام خان تیسری شادی کس سے کرنے جارہی ہیں؟خبریں وائرل ہونا شروع ہوگئیں

اسلام آباد:ریحام خان تیسری شادی کس سے کرنے جارہی ہیں؟خبریں وائرل ہونا شروع ہوگئیں ،اطلاعات کے مطابق ریحام خان کا میڈیا میں طویل کیریئر رہا ہے، انہوں نے بی بی سی کے ساتھ کام کرنا شروع کیا اور بعد میں پاکستان چلی گئیں جہاں وہ ایک معروف نیوز اینکر بن گئیں۔

ریحام خان پاکستان کے سابق وزیر اعظم عمران خان سے شادی کے بعد ایک مشہور خاتون بن گئیں، یہ دونوں کی دوسری شادی تھی جو ایک سال سے کم عرصے میں ختم ہوئی۔

ریحام خان نے حال ہی میں ایک ٹی وی شو میں شرکت کی جس میں ان سے پوچھا گیا کہ کیا وہ دوبارہ شادی کرنے کے بارے میں سوچیں گی؟جس پر انہوں نے کہا کہ خاندان کے ایک فرد نے میرا ہاتھ دیکھا اور کہا کہ درحقیقت میں تیسری شادی کرکے رہوں‌ گی۔

انہوں نے ایک قصہ سنایا کہ میرے بھانجے اپنی شادی کے لئے رضا مند نہیں تھے تو ان کے والد نے ان سے کہا کہ خدا کے لئے شادی کر لو ورنہ تمھاری خالہ تیسری شادی کرلیں گی جس پر انہوں نے کہا کہ اب تو میں ضرور کروں گی۔

ریحام کی پیدائش ایک پاکستانی ڈاکٹر نیئر رمضان کے گھر ہوئی۔ ان کا تعلق سواتی قبیلے کی ذیلی شاخ لغمانی قبیلے سے ہے اور یہ نسلا پشتون ہیں۔ یہ چار زبانیں روانی سے بول سکتی ہیں ، جس میں شامل ہے انگریزی، اردو، پشتو اور ان کی آبائی زبان ہندکو۔ ان کے خاندان کا تعلق بفہ کے علاقے سے ہے جو مانسہرہ ، خیبر پختونخوا سے پندرہ کلومیٹر مغرب میں واقع ہے۔ ان کے والدین 1960 کے اواخر میں لیبیا چلے گئے تھے جہاں 1973 میں اجداییا میں ریحام کی ولادت ہوئی۔ ان کا ایک بھائی اور بہن ہے۔

ریحام عبدالحکیم خان کی بھانجی ہیں جو خیبر پختونخوا صوبے کے گورنر رہے ہیں اور پشاور ہائی کورٹ کےچیف جسٹس بھی۔ ریحام نے جناح کالج برائے خواتین ، پشاور سے بی اے کیا ہے۔

پہلی شادی اور طلاق
ان کا پہلا نکاح 23 جولائی 1992ء کو ایبٹ آباد میں اعجاز ولد فضل الرحمان کے ساتھ ہوا۔ ان کے پہلے شوہر اعجاز رحمان ماہر نفسیات ہیں ، صحافت کے شعبہ میں آنے کی وجہ سے دونوں میں اختلافات پیدا ہوئے۔پندرہ سال کی شادی کے بعد طلاق ہوئی۔ اس شادی سے ریحام کے تین بچے ہیں ساحررحمان ، ردھا رحمان اور عنایہ رحمان ہیں جبکہ دوسری شادی سابق وزیراعظم عمران خان سے ہوئی تھی