میں صحت منداورفٹ تھی ، اب کرونا سے لڑرہی ہوں ، ایک ایک سانس مشکل دکھائی دے رہا ہے، 39 سالہ خاتون کا درد بھرا پیغام

لندن :میں صحت منداورفٹ تھی اوراب کرونا سے لڑرہی ہوں ، ایک ایک سانس مشکل دکھائی دے رہا ہے، 39 سالہ خاتون کا درد بھرا پیغام،باغی ٹی وی کے مطابق ایک برطانوی خاتون نے اپنے ویڈیوپیغام میں دنیا کواپنی صحت اورجسمانی فٹنس کے باوجود کرونا وائرس سے لڑنے کی جو داستان سنائی ہے وہ اب دنیا بھر میں وائرل ہوچکی ہے

غیرملکی ذرائع ابلاغ کے مطابق Tara Jane Langston نے اپنے ویڈیوپیغام میں کہا ہےکہ میری عمر اس وقت 39 سال ہے اورمیں بالکل صحت مند تھی ، جم جایا کرتی تھی اوربڑی فٹ بھی تھی لیکن مجھے اس وقت پتا چلا کہ جب میرے میڈیکل ٹیسٹ کیے گئے اورڈاکٹروں نے خبردار کیا کہ آپ کو کرونا وائرس کی ایک خطرناک قسم Covid-19 dangers لاحق ہوگیا ہے

39 سالہ Tara Jane Langston کا کہنا ہے کہ وہ جس مشکل سے گزررہی ہے وہ ہی جانتی ہے ، اس کوجب سانس لینا پڑتا ہے تو ایسے محسوس ہوتا ہے کہ جیسے کہ ا س کے پھیپھڑوں میں شییشے کے ٹکڑے ہیں ، اس قدرزیادہ تکلیف محسوس کرتی ہوں

39 سالہ Tara Jane Langston کا کہنا ہےکہ اسے جمعہ کے دن ہلینگڈن ہسپتال لایا گیا ہے جہاں ڈاکٹرز اس کا علاج کررہے ہیں ، برطانوی خاتون کا یہ بھی کہنا ہےکہ مجھےبہت زیادہ احساس ہورہا ہے کہ یہ وائرس کس قدر خطرناک ہے کہ میں ایک صحت مند اوربالکل فٹ خاتون تھی لیکن اس کے باوجود مجھے کرونا وائرس کی خطرناک قسم کووڈ -19 لاحق ہوگئی ہے

39 سالہ Tara Jane Langston نے اپنے ویڈیوپیغام میں کہا ہے کہ میں تمام لوگوں سے درخواست کرتی ہوں وہ اپنے آپ کو محفوظ سے محفوظ ترکرلیں اورلوگوں سے ملنا جلنا ترک کردیں