بھارت میں ریپبلک ڈے کی پریڈ میں ٹینک نہیں ٹریکٹر نظر آرہے ہیں، وزیرخارجہ

وزیرخارجہ شاہ محمود قریشی نے کہا ہے کہ آج بھارت کا یوم جمہوریہ یومِ سیاہ کے طور پر منایا جا رہا ہے. آج دنیا بھر میں کشمیری سراپا احتجاج ہیں. انہوں نے کہا کہ بھارت نے آئین کےتحت کشمیریوں کو دیا گیا تشخص چھین لیا ہے. شاہ محمودقریشی نے کہا کہ کشمیری سراپا احتجاج ہیں کہ ان کے بنیادی آئینی حقوق سلب کر لیے گئے ہیں.آج بین الاقوامی میڈیااور انسانی حقوق کے تحفظ کیلئے کام کرنے والی عالمی تنظیمیں، مقبوضہ جموں و کشمیر میں جاری انسانی حقوق کی سنگین خلاف ورزیوں اور بھارتی مظالم کا پردہ چاک کر رہی ہیں.

وزیر خارجہ نے کہا کہ آج بھارت میں ریپبلک ڈے کی پریڈ میں ٹینک نہیں ٹریکٹر نظر آرہے ہیں. آج دلی کی طرف ہندوستان کے کسان مارچ کررہےہیں. بھارت سرکار کی منفی پالیسیوں کے باعث بھارت کی معیشت کی صورتحال بگڑ چکی ہے. بھارت میں آج اقلیتیں خود کو غیر محفوظ محسوس کررہی ہیں. آج بھارت میں مسلمان،بنگالی، دلت کوئی محفوظ نہیں. شاہ محمودقریشی نے کہا کہ بھارت میں جمہوریت کی بجائے کالےقوانین کا نفاذ ہو رہا ہے. آج کےبھارت میں سیکولرازم دبتا ہوا اور ہندوتوا سوچ ابھرتی ہوئ دکھائی دے رہی ہے.

انہوں نے کہا کہ بھارت کے رویے سے، اس کےسارے پڑوسی نالاں ہیں
نیپال،چین،بنگلہ دیش سب کےساتھ بھارت کارویہ بدلاہواہے. بھارت اسی رویے کے باعث تیزی سے اپنے پڑوسی ممالک سے دور ہو رہا ہے.