ورلڈ اکنامک فورم میں خطاب اور اہم ملاقاتوں کے بعد وزیراعظم کہاں پہنچ گئے؟
ورلڈ اکنامک فورم میں خطاب اور اہم ملاقاتوں کے بعد وزیراعظم کہاں پہنچ گئے؟
باغی ٹی وی کی رپورٹ کے مطابق وزیراعظم عمران خان ڈیووس کےد ورے کے بعد وطن واپس پہنچ گئے،وزیراعظم نے سوئس شہر ڈیووس میں عالمی اقتصادی فورم سے خطاب کیا،وزیراعظم نے امریکی صدر سمیت کئی عالمی رہنماوَں سے ملاقاتیں کیں.
وزیراعظم عمران خان سے جرمن چانسلر اینگلا مرکل نے ملاقات کی ہے جس میں انہوں نے وزیراعظم عمران خان کوجرمنی کے دورے کی خصوصی دعوت دی ہے۔
دونوں رہنماؤں کے درمیان یہ ملاقات سوئٹزلینڈ کے شہر ڈیووس میں منعقدہ عالمی اقتصادی فورم کی سائڈ لائن پر ہوئی۔ عمران خان اور اینگلا مرکل نے باہمی دلچسپی کے امور اور دو طرفہ تعلقات کے فروغ پر بھی بات چیت کی۔ دونوں رہنماؤں کے درمیان خوشگوار ماحول میں غیر رسمی ملاقات ہوئی.
وزیراعظم عمران خان سے چیئرمین عالمی مشروب سازکمپنی کی ملاقات ہوئی ہے، ملاقات عالمی اقتصادی فورم کی سائیڈ لائن پرہوئی
وزیراعظم عمران خان نے 1953 سے کمپنی کے پاکستان کے ساتھ طویل تعلق کوسراہا ،وزیراعظم عمران خان کا کہنا تھا کہ کاروبارمیں آسانی کیلئے موثراقدامات کیے، سرمایہ کاری میں اضافے سے روزگارکے مواقع پیدا ہوتےہیں،
ملاقات میں حفیظ شیخ،زلفی بخاری،علی جہانگیر صدیقی بھی شریک تھے،وزیراعظم عمران خان کا مزید کہنا تھا کہ حکومت سرمایہ کاروں کوہرممکن تعاون فراہم کرے گی،کلین اینڈ گرین پاکستان کےلیے ماحول دوست ٹیکنالوجی کی حوصلہ افزائی کررہے ہیں،حکومت کاروبار کی آسانی کےلیے موثراصلاحاتی ایجنڈے پرعمل پیرا ہے،
کوکا کولا کمپنی کے چیئرمین نے پاکستان میں سرمایہ کاری بڑھانے میں دلچسپی کااظہار کیا،
وزیراعظم عمران خان نے ورلڈ اکنامک فورم کے ایگزیکٹو چیئرمین پروفیسر کلاز شواب سے عالمی اقتصادی فورم کے کانگریس سنٹر میں ملاقات کی۔ ملاقات میں وزیراعظم نے پروفیسر شواب کو 50 ویں اجلاس پر مبارکباد دی۔
اس موقع پر گفتگو کرتے ہوئے وزیراعظم عمران خان نے کہاکہ اس سال ورلڈ اکنامک فورم میں اجاگر کئے گئے مسائل پاکستان سے بھی متعلقہ ہیں۔ کلین اینڈ گرین پروگرام کے تحت دس ارب دررخت لگائے جا رہے ہیں، موسمیاتی تبدیلی کے اثرات سے نمٹنے کے لئے ملک میں شجرکاری کر رہے ہیں۔
وزیراعظم عمران خان نے مزید کہا کہ نوجوان طبقے کو معاشی ترقی میں شراکت دار بنانے کے لئے ان کی پیشہ ورانہ صلاحیتیں بڑھا رہے ہیں، فورم غربت کے خاتمے اور تعلیم کے حوالے سے پاکستان سے شرکت داری کر سکتا ہے
وزیراعظم عمران خان سے چیئرپرسن ٹیلی نار گن ورسٹڈ اور چیف ایگزیکٹو آفیسر سیگیو بریک نے عالمی اقتصادی فورم کے موقع پر ملاقات کی۔ ملاقات میں مشیر خزانہ عبدالحفیظ شیخ، معاون خصوصی ذوالفقار بخاری، سفیر عمومی برائے سرمایہ کاری علی جہانگیر صدیقی اور گورنر سٹیٹ بینک رضا باقر بھی موجود تھے۔
ملاقات میں وزیراعظم نے ٹیلی نار کی پاکستان میں 3.5 ارب ڈالر کی سرمایہ کاری کو سراہا۔ ملاقات میں گڈ گورننس کیلئے ڈیجیٹل ذرائع کے استعمال پر تبادلہ خیال کیا گیا اور موبائل کے ذریعے معاشی تعاون کے فروغ اور باہمی روابطہ میں اضافہ پر بھی گفتگو ہوئی۔
وزیراعظم عمران خان نے 2005ء سے ٹیلی نار کی موجودگی اور پاکستان پر اعتماد کی بھی تعریف کی۔انہوں نے مہارتوں میں اضافے کے لئے حکومتوں کو نوجوانوں کی تربیت اور ترقی میں سرمایہ کاری پر بھی توجہ دینے پر زور دیا،گڈ گورننس کے لیے ڈیجیٹل حل کا اطلاق بڑھانے،رابطے کے استعمال سے غربت کے خاتمے اور موبائل کے ذریعے معاشی لین دین میں اضافہ پر تبادلہ خیال کیا گیا ۔
ٹیلی نار کا پاکستانی ٹیکنالوجی کے شعبہ میں مضبوط شراکت داری کے عزم کا اعادہ ،کمپنی وفد نے وزیراعظم عمران خان کو مستقبل کے منصوبوں سے متعلق بھی آگاہ کیا۔
واضح رہے کہ وزیراعظم عمران خان ورلڈ اکنامک فورم میں شرکت کے لئے ڈیووس میں ہیں انکی امریکی صدر ڈونلڈ ٹرمپ سمیت مختلف ممالک کے وزراء اعظم سمیت دیگر رہنماؤں سے ملاقاتیں ہوئی ہیں،
وزیراعظم عمران خان کی امریکی صدر ڈونلڈ ٹرمپ سے ڈیوس میں ملاقات ہوئی ہے، ملاقات کے دوران وزیراعظم عمران خان نے پاکستان کا قومی لباس شلوار قمیض پہن رکھا تھا، وزیراعظم عمران خان نے کالے رنگ کی شلور قمیض اور نیلے رنگ ویسٹ کورٹ پہن رکھی تھی. وزیراعظم نے مشہور پشاوری چپل پہنی ہوئی تھی.
امریکی صدر سے ملاقات کے موقع پر وزیراعظم کے قومی لباس کو سوشل میڈیا صارفین نے سراہا ہے.
ہم اپنی سرزمین پرکسی دہشتگرد گروپ کوکام کرنے کی اجازت نہیں دیں گے، وزیراعظم
نائن الیون کے بعد پاکستان نے امریکہ کی جنگ میں شامل ہو کر بہت بڑی غلطی کی، وزیراعظم عمران خان
ایسا پہلی بار نہیں ہوا بلکہ وزیراعظم عمران خان پاکستان و بیرون ملک جہاں بھی جاتے ہیں قومی لباس ہی زیب تن کرتے ہیں ، وزیراعظم عمران خان گزشتہ برس ماہ جولائی میں امریکی صدر سے ملنے وائیٹ ہاؤس بھی پاکستان کے قومی لباس میں گئے تھے، وزیراعظم نے شلوار قمیض پہن رکھی تھی،انہوں نے نیلی شلوار قمیض کے اوپر ویسٹ کوٹ بھی پہنا ہوا ہے، وزیراعظم عمران خان صوبہ خیبر پختونخواہ کے مشہور پشاوری چپل پہن کر وائیٹ ہاوس گئے ہیں.
امریکی صدر ڈونلڈ ٹرمپ اچانک پاکستان کے ہمسایہ ملک میں ، دیکھ کر سب حیران
امریکی صدر ٹرمپ نے وزیراعظم عمران خان کوایران سے بات چیت کا مینڈیٹ دیدیا
کشمیر سے متعلق سوال پر ٹرمپ نے کیا جواب دیا؟ جان کر ہوں حیران
وزیراعظم عمران خان نے ٹرمپ سے کشمیر بارے بڑا مطالبہ کر دیا
جنگ شروع ہوئی تو ختم نہیں ہو سکے گی،بھارت کا تذکرہ مناسب نہیں، وزیراعظم
وزیراعظم عمران خان کی امریکی صدر سے ملاقات خوشگوار ماحول میں ہو رہی ہے، وزیراعظم عمران خان امریکی صدر ٹرمپ سے بے تکلفانہ گفتگو کرتے رہے اور گفتگو کرتے ہوئے مسکراتے رہے
وزیراعظم عمران خان کی امریکی صدر ڈونلڈ ٹرمپ سے ڈیڑھ سال کے دوران یہ تیسری ملاقات ہے، انہوں نے ہمیشہ امریکی صدر کے سامنے پاک بھارت تنازعات میں سرفہرست کشمیر ایشو کو اجاگر کیا۔ دو ملاقاتیں امریکہ میں ہوئی تھیں،
ڈونلڈ ٹرمپ پہلے بھی کشمیر کے معاملے پر پاکستان اور بھارت کے درمیان ثالثی کی پیشکش کرچکے ہیں جس پر بھارت سیخ پا ہو گیا تھا.
