لاہور: جمعیت علماءپاکستان کے رہنماءمفکر اسلام علامہ قاری محمد زوار بہادر نے کہاہے کہ دنیاکو کورونا کی ہلاکتوں اور لاک ڈاﺅن سے بچنے کے لیے مظلوم کشمیریوں کالاک ڈاﺅن ختم کروانا ہو گا ۔اگرمظلوم کشمیریوںکو آزادی دلوادی جائے تو اللہ رب العزت کی بارگاہ سے امید ہے کہ پوری دنیا سے یہ عذاب ختم ہو سکتا ہے اقوام عالم مظلوم کشمیری عوام کو گزشتہ تقریباً8 ماہ سے جاری لاک ڈاﺅن ختم کروانے میں اپنا کردار ادا کریں۔
قاری زوار بہادر نے کہا ہےکہ مودی ہٹلر نے مقبوضہ کشمیر میں بچوں ، بوڑھوں ، خواتین اور عوام الناس کو گھروں میں بند کرکے لاک ڈاﺅن کیا ہوا ہے ۔اشیائے خوردونوش اور ادویات کی کمی کی وجہ سے وہاں عوام موت کے منہ میں جا رہے ہیں۔انہوں نے کہا کہ موجودہ حالات میں پوری دنیا ایک خطرناک وائرس کا مقابلہ کررہی ہے اور تقریباًدنیا کا بڑا حصہ لاک ڈاﺅن میں ہے ۔
امریکہ ،برطانیہ، فرانس اور یورپ کے بیشتر ممالک لاک ڈاﺅن میں ہیں دنیا کو یاد رکھنا چاہیے کہ بھارت نے گزشتہ 8 ماہ سے وادی کشمیر میں لاک ڈاﺅن اور کرفیو لگا رکھا ہے مگر دنیا کے تمام ممالک نے کشمیری عوام کی آزادی اور لاک ڈاﺅن ختم کرنے کے لیے کوئی کردار ادا نہیں کیا ۔آج دنیا کشمیری عوام کی مشکلات کا بخوبی اندازہ کرسکتی ہے ۔
جب تک ان مظلوم کشمیریوںکا لاک ڈاﺅن ختم نہیں ہوتا دنیا کا یہ امتحان جاری رہے گا ۔ نام نہادانسانی حقوق کے علمبرداراورمسلم ممالک نے کشمیری مسلمانوں کی آزادی کیلئے کوئی کردارادا نہیں کیا اور خاموش تماشائی بنے رہے آج یہی بڑے ممالک بہت بڑی آزمائش میں ہیں ۔انہیںجلدکشمیری مسلمانوں کی آزادی کے لیے اپنا کردار ادا کرنا چاہیے ۔
جاری کردہ انچارج
میڈیا سیل جمعیت علماءپاکستان
