پاکستان شوبز انڈسٹری کے معروف اداکار و میزبان یاسر حسین اپنی اہلیہ اور اداکارہ اقراء عزیز کے ہمراہ پاکستان کے خوبصورت شمالی علاقہ جات کے سیر کر رہے ہیں-
باغی ٹی وی : پاکستان شوبز انڈسٹری کی معروف اداکار جوڑی یاسر حسین اور اقراء عزیزآج کل پاکستان کے شمالی علاقہ جات کی سیر کو نکلے ہوئے ہیں -عالمی وبا کورونا وائرس کے پیش نظر جاری 6 مہینوں پر مشتمل لاک ڈاؤن کُھلنے کے بعد سے متعدد فنکاروں نے پاکستان کے خوبصورت اور ٹھنڈے علاقوں کا رُخ کر لیا ہے جن میں حمیمہ ملک، اداکار بہنیں ایمن اور منال اور عروی حسین کے بعد اب شوبز جوڑی اقراءعزیز اور یاسر حسین بھی شامل ہیں-
اداکار یاسر حسین نے سماجی رابطے کی ویب سائٹ انسٹا گرام اکاؤنٹ پر اہلیہ اقراء عزیز کے ہمراہ چند تصاویر اپنے مداحوں کے ساتھ شیئر کی ہیں۔
انسٹاگرام پر شیئر کی جانے والی تصاویر میں اداکار نے ہنزہ کا روایتی لباس زیب تن کیا ہوا ہے اور نا صرف یہ بلکہ وہیں کی روایتی ٹوپی بھی پہن رکھی ہے اور اس کے ساتھ ہی اداکار نے کیپشن میں لکھا کہ ’جیسا دیس ویسا بھیس۔ ہیش ٹیگ کا استعمال کرتے ہوئے انہوں نے مزید لکھا کہ ’ہنزہ اور 2020۔
https://www.instagram.com/p/CFuIWIJj2zy/
اس سے قبل بھی اداکار نے انسٹاگرام پر اپنی اور اقراء عزیر کی کچھ تصاویر شیئر کی تھیں جن میں وہ ناران میں موجود چائے پیتے نظر آرہے تھے اور خوبصورت نظاروں کو انجوائے کر رہے تھے-
https://www.instagram.com/p/CFpHWXbDPwy/
یاسر نے اقراء عزیز کے ہمراہ خوشگوار موڈ میں تصاویر شیئر کرتے ہوئے ساتھ میں لکھا تھا کہ ناران کی چائے، اور ساتھ میں چائے کے کپ اور دل کا ایموجی بھی بنایا تھا، اس کے علاوہ انہوں نے اقراء کو اپنی پوسٹ میں ٹیگ بھی کیا تھا۔
