پاکستان شوبز انڈسٹڑی کے نامور اداکار احسن خان نے راولپنڈی بحریہ ٹاؤن میں طوطے آزاد کرنے کی غلطی پر مالکان کے تشدد سے جان سے جانے والی کم سن گھریلو ملازمہ زہرہ شاہ کے قتل کا ذمہ دار والدین کو ٹھہرا دیا۔
https://free.facebook.com/story.php?story_fbid=554971002048773&id=100026076339163&_rdc=1&_rdr
اداکار کا کہنا ہے کہ آٹھ سال کی معصوم بچی جو گھر والوں کے پیٹ بھرتے ہوئے درندگی کا شکار ہوئی، اس کے اصل قاتل گھر والے ہیں۔
سوشل میڈیا سائٹ فیس بُک پر جاری اپنے ایک پیغام میں لکھا کہ قاتل ماں باپ بھی ہیں۔ ماں باپ کا کام ہے بچوں کو روٹی دینا۔ ان کا تحفظ ۔ بچوں کا کام ماں باپ کے پیٹ بھرنا نہیں ہے۔۔ غربت بھی اس بات کا جواز نہیں کہ وہ ناتواں بچوں کو اپنی روٹی کا ذریعہ بنائیں۔
اداکار نے لکھا کہ اگر غربت مسئلہ ہے تو شادی سے پہلے سوچیں۔۔ شادی ہو گئی ہے تو بچے پیدا کرنے سے پہلے سوچیں۔۔ آٹھ سال کی معصوم جو گھر والوں کے پیٹ بھرتے ہوئے درندگی کا شکار ہو گئی،اصل قاتل گھر والے ہیں۔ ان گھر کے درندوں کا پہلے سوچیں۔
احسن خان نے کہا کہ ماں باپ آٹھ سال کی بچیوں کو دو ٹکوں کے عوض غیروں کے رحم و کرم پر چھوڑنا تو دور گھر میں اکیلا نہیں چھوڑ سکتے بلکہ اکیلا مارکیٹ بھی نہیں بھیج سکتے۔
واضح رہے کہ احسن خان چائلڈ پروٹیکشن بیورو کے خیر سگالی سفیر بھی ہیں۔
آٹھ سالہ ملازمہ کے قتل پر پاکستانی فنکاروں کا برہمی کا اظہار
