سابق صوبائی وزیر اور پی ٹی آئی کے راہنما میاں شوکت علی لالیکا چل بسے ہیں
سابق صوبائی وزیر ٹریفک حادثہ میں گزشتہ روز شدید زخمی ہوگئے تھے میاں شوکت علی لالیکا کی اہلیہ ٹریفک حادثہ میں موقع پر ہی جانبحق ہوگئی تھی ،اسلام آباد کے نزدیک سابق صوبائی وزیر میاں شوکت علی لالیکا کی گاڑی کو ٹریفک کا افسوسناک حادثہ پیش آیا تھا پی ٹی آئی راہنما شدید زخمی حالت میں لاہور کے ہسپتال میں زیر علاج تھے ،عثمان بزدار کی کابینہ میں میاں شوکت علی لالیکا صوبائی وزیر عشر و زکوہ رہ چکے ہیں مسابق صوبائی وزیر میاں شوکت علی لالیکا 4 بار ممبر صوبائی اسمبلی رہ چکے ہیں
گزشتہ 6 ماہ سے سابق صوبائی وزیر روپوش تھے اور کل حادثے کے بعد منظر عام پر آئے ،سابق صوبائی وزیر پر مختلف تھانوں میں مقدمات بھی درج تھے انتہائی دباو کے باجود میاں شوکت علی لالیکا چیرمین پی ٹی آئی کے ساتھ کھڑے تھے،سابق صوبائی وزیر میاں شوکت علی لالیکا کی نماز جنازہ ان کے آبائی گاوں میں کل ادا کی جائے گی
چیئرمین سینیٹ محمد صادق سنجرانی نے سابق صوبائی وزیر شوکت علی لالیکا اور ان کی اہلیہ کا ٹریفک حادثے کے نتیجے میں انتقال پر گہرے دکھ اورافسوس کااظہار کیا ہے۔ چیئرمین سینیٹ نے کہا کہ دکھ کی اس گھڑی میں اہلخانہ کے غم میں برابر کے شریک ہیں۔چیئرمین سینیٹ نے دعا کی کہ اللہ تعالیٰ مرحومین کی مغفرت اور درجات بلند کرے اور غمز دہ خاندان کو یہ صدمہ حوصلے اور صبر سے برداشت کرنے کی توفیق عطا فرمائے۔ڈپٹی چیئرمین سینیٹ مرزا محمد آفریدی،قائد ایوان سینیٹ سینیٹر اسحاق ڈار، قائد حزب اختلاف سینیٹ سینیٹر ڈاکٹر شہزاد وسیم نے بھی سابق صوبائی وزیر شوکت علی لالیکا اور ان کی اہلیہ کے انتقال پر گہرے دکھ اور افسوس کا اظہار کرتے ہوئے اپنے الگ الگ تعزیتی پیغامات میں مرحومین کے اہلخانہ سے دلی ہمدردی کا اظہار کیا ہے۔ انہوں نے دعا کہ اللہ تعالی مرحومین کو اپنے جوار رحمت میں جگہ دے اور غمزدہ خاندان کو صبر جمیل عطا کرے
صدر استحکام پاکستان پارٹی عبدالعلیم خان نے سابق صوبائی وزیر شوکت علی لالیکا کے انتقال پر اظہار افسوس کیا، عبدالعلیم خان کا کہنا تھا کہ شوکت علی لالیکا اور اُن کی اہلیہ محترمہ کی حادثاتی موت کا انتہائی دکھ ہوا ، شوکت علی لالیکا بہت ہی اچھے دوست اور نفیس شخصیت کے مالک تھے اللہ تعالیٰ انہیں اور اُنکی اہلیہ کو جنت میں جگہ عطا فرمائے اور اہل خانہ کو صبر دے ،آمین
پولیس نے پرویز الٰہی کو دوبارہ گرفتار کرلیا
پی ٹی آئی کی اندرونی لڑائیاں۔ فواد چوہدری کا پرویز الٰہی پر طنز
خدشہ ہے کہ پرویز الٰہی کو گرفتار کر لیا جائیگا
پرویز الہیٰ کے خلاف ایک اور مقدمہ درج کر لیا گیا ،
پرویزالہٰی کی حفاظتی ضمانت پر تحریری فیصلہ
زمان پارک سے اسلحہ ملنے کی ویڈیو
