زمینی تنازعہ پر گولیاں چل گئیں،4 افراد جاں بحق ایک زخمی

0
23

زمینی تنازعہ پر گولیاں چل گئیں،4 افراد جاں بحق ایک زخمی

باغی ٹی وی کی رپورٹ کے مطابق لاہور باٹا پور کے علاقہ میں دو گروپوں کے درمیان فائرنگ سے 4 افراد ہلاک 1 زخمی ہوگیا، واقعہ کی اطلاع ملنے پر پولیس موقع پر پہنچ گئی،پولیس کے مطابق فائرنگ امجد گروپ اور رفاقت گروپ کے درمیان ہوئی،امجد گروپ نے چند روز قبل ایک شخص کو فائرنگ کرکے زخمی کیا تھا،دونوں پارٹیوں نے چوکی واہگہ میں تفتیش کے لئے پیش ہونا تھا راستہ میں مخالفین نے فائرنگ کردی.

پولیس کے مطابق دونوں پارٹیوں کو پولیس نے تھانے میں صلح کےلئے بلوایا ہوا تھا فائرنگ سے 40 سالہ امجد، 35 سالہ عمران،30 سالہ اعجاز اور 35 سالہ ظفر موقعہ پر ہلاک ہوگئے،امجد گروپ کی فائرنگ سے ایک شخص رفاقت گروپ کا زخمی ہوگیا ،فائرنگ کلاشکوف، 30 بور پسٹل،اور 9 ایم ایم پستول سے کی گئی، ہلاک افراد کی لاشوں کو مردہ خانے منتقل کردیا گیا ہے

پولیس کے مطابق فائرنگ کرنے والے ملزمان موقعہ سے فرار ہوگئے،فائرنگ معمولی پراپرٹی کے تنازعہ میں کی گئی ، فائرنگ سے علاقہ میں خوف و ہراس پھیل گیا

Leave a reply