نازیہ حسن کے بھائی کیخلاف ایک ارب روپے کے ہرجانہ کیس میں دلچسپ موڑ آگیا

کراچی: نازیہ حسن کے بھائی کیخلاف ایک ارب روپے کے ہرجانہ کیس میں دلچسپ موڑ آگیا ،اطلاعات کے مطابق سندھ ہائیکورٹ نے مرزا اشتیاق بیگ کی جانب سے معروف گلوکارہ نازیہ حسن کے بھائی کیخلاف ایک ارب روپے کے ہرجانہ کیس میں زوہیب حسن کے وکیل نے جواب کے لیئے مہلت طلب کرلی۔

عدالت عالیہ نے مرزا اشتیاق بیگ کی جانب سے زوہیب حسن کیخلاف ایک ارب روپے کے ہرجانہ کیس کی سماعت ہوئی۔ زوہیب حسن کی جانب سے ستار پیرزادہ ایڈووکیٹ نے وکالت نام جمع کرادیا۔ ستار پیر زادہ ایڈوکیٹ نے جواب جمع کرانے کے لئے مہلت طلب کرلی۔

عدالت نے دائر دعوے کی سماعت 10 نومبر تک ملتوی کردی۔ عدالت نے ذوہیب حسن کو آئندہ سماعت تک اس ایشو پر بات کرنے سے روکنے سے متعلق حکم امتناع میں توسیع کردی۔ عدالت نے زوہیب حسن کو اشتیاق بیگ کیخلاف کسی قسم کا بیان دینے سے روکا رکھا ہے۔

قبل ازیں دائر دعوے میں مرزا اشتیاق بیگ نے موقف اپنایا گیا تھا کہ زوہیب حسن نے نجی ٹی وی کو دئیے گئے انٹرویو میں من گھڑت اور جھوٹے الزامات عائد کئے۔ جھوٹے الزامات کے ساتھ توہین آمیز لہجے میں میرے خلاف باتیں کیں۔ زوہیب حسن نے اپنے انٹرویو میں نازیہ حسن کی موت غیر فطری قرار دیا۔

نازیہ حسن لمبے عرصے تک کینسر میں مبتلا رہی۔ نازیہ حسن کے انتقال سے متعلق برطانیہ حکام کا ڈیتھ سرٹفیکٹ موجود ہے۔ زوہیب حسن کے الزامات حقائق کے برعکس ہیں۔زوہیب حسن کو مرزا اشتیاق بیگ کے خلاف بیان بازی سے روکا جائے۔ زوہیب حسن اپنا بیان واپس لے کر معافی مانگیں۔ ذوہیب حسن سے ایک روپے ہرجانہ بھی دلوایا جائے۔