لاہور: 10 سالہ بچی سے زیادتی کرنے والے پڑوسی کو گرفتارکرلیا گیا۔
باغی ٹی وی : پنجاب میں خواتین اور بچوں کی زیادتی کے واقعات تھم نہیں سکے لاہور کے نواحی علاقے باٹا پورمیں ایک اور10 سالہ بچی جنسی زیادتی کا نشانہ بن گئی-
مدرسے کے طالب علم سے نازیبا حرکات کرنے والا استاد گرفتار
جینڈر سیل کینٹ ڈویژن کے مطابق ملزم راحیل بچی سے زیادتی کے بعد فرار ہوگیا تھا جینڈ سیل پولیس نے ملزم راحیل کو موبائل ڈیٹا اینالسسز کی مدد سے گرفتارکرلیا ملزم متاثرہ بچی کا پڑوسی ہے،ملزم سے تفتیش جاری ہے۔
چئیرپرسن چائلڈ پروٹیکشن بیورو سارہ احمد نے بچی سے زیادتی کے واقعہ کا نوٹس لیتے ہوئے چائلڈ پروٹیکشن بیورو کی ٹیم کو متاثرہ بچی اور اس کے اہل خانہ سے رابطے کی ہدایت کی ہے۔
ڈی آئی جی انوسٹیگیشن کامران عادل نے کہا کہ بچوں اورخواتین کے جنسی استحصال میں ملوث عناصرکسی رعایت کے مستحق نہیں۔ انہوں نے بچی سے زیادتی کے ملزم کی فوری گرفتاری پرجینڈر سیل کینٹ ڈویژن کو شاباش دی-
19 سالہ لڑکی سے مبینہ زیادتی کرنیوالا ملزم گرفتار
قبل ازیں روالپنڈی پولیس نے 19 سالہ لڑکی سے مبینہ زیادتی کیس میں ملزم گرفتار کر لیا تھا یہ واقعہ تھانہ ریس کورس کے علاقے میں میں پیش آیا تھا پولیس کے مطابق نجی انسٹیٹیوٹ میں لیب ٹیکنیشن کا ڈپلومہ کرنے والی کہوٹہ کی رہائشی طالبہ نے بتایا تھا کہ راولپنڈی صدر کی نجی لیبارٹری میں نوکری کرتی رہی ہے جہاں فیصل فاروق بھی کام کرتا تھا پھر میں گاؤں چلی گئی لیکن اب پیپرز دینے کی وجہ سے اپنی خالہ کے گھر رتہ امرال میں مقیم ہوں-
فیصل فاروق سے اپنا اسٹوڈنٹ کارڈ لینے لیبارٹری گئی تو ملزم نے کہا تھا کہ کارڈ اس کی رہائش گاہ پر پڑا ہے، اس کے ساتھ وہاں گئی تو اس نے ادھر زیادتی کا نشانہ بنایا پولیس نے مقدمہ درج کرکے ملزم کو گرفتار کرلیا تھا-
