ورلڈ کپ میں بھارت کی شکست،دو بھارتی نوجوانوں نے خود کشی کر لی

بھارتی مداحوں نے صدمے میں خود کشی کر کے موت کو گلے لگا لیا
0
180

جے پور: ورلڈکپ 2023کے فائنل میں آسٹریلیا کے ہاتھوں بھارت کی شکست پر دلبرداشتہ ہو کر دو بھارتی نوجوانوں نے خود کشی کر لی جبکہ ایک مداح نے صدمے میں ہارٹ اٹیک سے جان گنوا دی-

باغی ٹی وی: اتوار کو ورلڈکپ کے فائنل میں آسٹریلیا نے ٹورنامنٹ کی ناقابل شکست اور میزبان ٹیم بھارت کو 6 وکٹوں سے شکست دے کر چھٹی بار ورلڈکپ ٹائٹل اپنے نام کیا، ٹورنامنٹ میں ناقابل شکست رہنے والی بھارتی ٹیم کے کھلاڑی فائنل میں ہار کے بعد رو پڑے تھے وہیں کرکٹ کے بھارتی مداحوں نے صدمے میں خود کشی کر کے موت کو گلے لگا لیا-

بھارتی میڈیا کے مطابق بھارتی میڈیا کے مطابق بھارت کے شہر بنگال بنکورا اور جے پور میں مبینہ طور پر 2 مداحوں 23 سالہ راہول لوہار اور 23 سالہ دیو رانجن نے بھارت کی ہار پر دل شکستہ ہوکر خودکشی کرلی، میچ دیکھنے کے بعد تھیٹر کے نزدیک ہی راہول لوہار نے کمرے میں خود کو پھندا لگا کر خودکشی کی جبکہ جے پور میں بھارتی ٹیم کے مداح دیو رانجن نے بھی چھت سے لٹک کر خودکشی کی۔

عمر گل اور سعید اجمل پاکستان کرکٹ ٹیم کے باؤلنگ کوچ مقرر

دوسری جانب ریاست آندھرا پردیش کےشہر تروپتی سےتعلق رکھنے والے 32 سالہ سافٹ ویئر انجینیئر جیوتی کمار یادیو بھارت کی شکست کے بعد کپتان روہت شرما کے آنکھوں میں آنسو دیکھ کر بہت افسردہ ہوئے ، انہیں اتنا غم ہوا کہ انہیں اچانک دل کا دورہ پڑا اور وہ زمین پر گر گئے،کمار یادیو کے دوست انہیں فوراً اسپتال لے کر گئے لیکن ڈاکٹروں نے انہیں مردہ قرار دیا،ڈاکٹروں کے مطابق ان کی موت دل کا دورہ پڑنے کی وجہ سے ہوئی۔

ایچ بی ایل پی ایس ایل 9 کے ڈرافٹ کو حتمی شکل دے دی گئی

Leave a reply