2.9 ملین سے زیادہ کیپٹاگون گولیاں سمگلنگ کی دو کوششیں ناکام

2.9 ملین سے زیادہ کیپٹاگون گولیاں سمگلنگ کی دو کوششیں ناکام

سعودی عرب میں زکوٰۃ، ٹیکس اور کسٹم اتھارٹی نے 2.9 ملین سے زیادہ کیپٹاگون گولیاں سمگل کرنے کی دو کوششوں کو ناکام بنا دیا۔ گولیاں ربع الخالی اور حدیدہ کراسنگز کے ذریعے سعودی عرب آنے والی کنسائن منٹس میں چھپائی گئی تھیں۔ سعودی اتھارٹی نے بتایا کہ ربع الخالی بندرگاہ پر 29 لاکھ 20 ہزار کیپٹاگون گولیاں سمگل کرنے کی کوشش کی جارہی تھی، ان گولیوں کو بجلی کی تاروں کی کنسائن منٹس میں چھپایا گیا تھا۔ کیبل کی انسولیٹر کے درمیان سے دھارتی تار کے بجائے گولیاں رکھی گئی تھیں۔ اتھارٹی نے کیبلز کے خولوں سے گولیاں برآمد کر لیں۔

اتھارٹی نے مزید کہا کہ حدیدہ بندرگاہ پر بھی 24 ہزار 400 کیپٹاگون گولیاں سمگل کرنے کی ایک کوشش کو ناکام بنا دیا گیا۔ یہاں ٹرکوں میں سے ایک ٹرک کے ’’تکلے‘‘ کے اندر کیپٹاگون گولیوں کے پیکٹ رکھے گئے تھے۔ جنرل ڈائریکٹوریٹ فار ڈرگ کنٹرول کے تعاون سے جن افراد کے نام یہ اسائنمنٹس بھیجی گئی تھیں ان کو بھی گرفتار کر لیا گیا ہے۔ زکوٰۃ، ٹیکس اور کسٹمز اتھارٹی نے بتایا کہ اتھارٹی سعودی عرب کی درآمدات اور برآمدات پر کسٹم کنٹرول کو سخت کرنے کا سلسلہ جاری رکھے ہوئے ہے اور سمگلروں کی کوششوں کے خلاف ڈٹ کر کھڑا ہونا اتھارٹی کی حکمت عملی کا ایک بنیادی ستون ہے۔
مزید یہ بھی پڑھیں؛
فٹبال کے بادشاہ‘ اور لیجنڈری کھلاڑی پیلے 82 برس کی عمر میں دنیا چھوڑ گئے
بھارتی وزیراعظم نریندرا مودی کی والدہ 100 برس کی عمر میں چل بسیں
لاہور انتظامیہ کا نان روٹی کی قیمت بڑھانے کی اجازت دینے سے انکار
2022 نئے جیو پولیٹیکل دور کا آغازثابت ہوا، چین امریکہ کیلئے سب سے بڑاخطرہ
کراچی ٹیسٹ؛ پاکستان نے دوسری اننگز میں 3 وکٹوں کے نقصان پر 82 رنز بنا لئے
اتھارٹی نے کہا معاشرے اور قومی معیشت کی حفاظت کی اس جنگ میں عام شہری بھی اتھارٹی کے ساتھ تعاون کریں اور منشیات سمگلنگ میں ملوث افراد کی اطلاع 1910 پر دیں۔ اطلاع دینے والی کی شناخت پوشیدہ رکھی جائے گی اور اسے انعام سے بھی نوازا جائے گا۔