بھارتی وزیراعظم نریندرا مودی کی والدہ 100 برس کی عمر میں چل بسیں

بھارتی وزیراعظم کی والدہ 100 برس کی عمر میں چل بسیں

بھارتی وزیراعظم نریندر مودی کی والدہ ہیرابین مودی 100 برس کی عمر میں دنیا چھوڑ گئی ہیں۔ نریندر مودی کی والدہ ہیرابین مودی گجرات کے کارڈیولوجی اسپتال میں زیر علاج تھیں جہاں گزشتہ رات ان کی طبیعت بگڑ گئی، وزیراعظم نریندر مودی نے ٹوئٹر پر اپنی والدہ کے انتقال کی خود تصدیق کی اور کہا کہ ان کی ماں کی ایک بات ہمیشہ یاد رہتی ہے کہ ذہانت سے کام لو اور زندگی پاکیزگی کے ساتھ گزارو۔

शानदार शताब्दी का ईश्वर चरणों में विराम… मां में मैंने हमेशा उस त्रिमूर्ति की अनुभूति की है, जिसमें एक तपस्वी की यात्रा, निष्काम कर्मयोगी का प्रतीक और मूल्यों के प्रति प्रतिबद्ध जीवन समाहित रहा है। pic.twitter.com/yE5xwRogJi

— Narendra Modi (@narendramodi) December 30, 2022

اپویشن رہنما راہون گاندھی نے بھی بھارتی وزیراعظم کی والدہ کے انتقال پر اظہار افسوس کرتے ہوئے ٹوئٹ کی کہ اس مشکل وقت میں، میں ان کے اور ان کے خاندان کے ساتھ گہری تعزیت اور محبت کا اظہار کرتا ہوں۔

प्रधानमंत्री नरेंद्र मोदी जी की माताजी, श्रीमती हीरा बा के निधन का समाचार अत्यंत दुःखद है।

इस मुश्किल समय में, मैं उन्हें और उनके परिजनों को अपनी गहरी संवेदनाएं और प्यार व्यक्त करता हूं।

— Rahul Gandhi (@RahulGandhi) December 30, 2022

مودی کی والدہ کی وفات پر وزیراعظم شہباز شریف کا اظہار افسوس

پاکستان کے وزیراعظم شہبازشریف نے بھارتی ہم منصب نریندرمودی سے والدہ کے انتقال پر اظہار افسوس کیا ہے، وزیراعظم شہباز شریف کا کہنا تھا کہ والد ہ کے کھو نے سے بڑا کوئی نقصان نہیں ہوتا،نریندر مودی کی والدہ کے انتقال پر ان سے اظہار تعزیت کرتا ہوں ،

خیال رہے کہ گزشتہ جون 2022 کو مودی کی ماں 100 واں جنم دن منایا گیا تھا. جبکہ انڈیا کے وزیر اعظم نریندر مودی کی ویب سائٹ پر شائع کیئے گئے مضمون میں انھوں نے لکھا تھا کہ ’ماں، یہ صرف ایک لفظ نہیں ہے، یہ زندگی کا احساس ہے جس میں پیار، صبر، اعتماد اور بہت کچھ ہے۔ آج میں اپنی خوشی، اپنی خوش قسمتی، آپ سب کے ساتھ بانٹنا چاہتا ہوں۔ میری والدہ 18 جون کو اپنے سوویں سال میں داخل ہو رہی ہیں۔‘

مودی نے مزید لکھا تھا کہ ’اگرچہ ہمارے یہاں سالگرہ منانے کی کوئی روایت نہیں ہے لیکن خاندان میں نئی نسل کے بچوں نے اس بار والد کی صد سالہ پیدائش کے موقع پر 100 درخت لگائے ہیں۔