25 مئی کو آل پاکستان پرائیویٹ اسکولز فیڈریشن کا اسکولز بند رکھنے کا اعلان
یوم تکریم شہدائے پاکستان کے موقع پر آل پاکستان پرائیویٹ اسکولز فیڈریشن نے 25مئی کو اسکولز بند رکھنے کا اعلان کیا ہے۔ صدرآل پاکستان پرائیویٹ اسکولز فیڈریشن کاشف مرزا کے مطابق بورڈز امتحانات شیڈول کے مطابق ہوں گے، پرائیویٹ اسکولز میں ریگولر کلاسز 26 مئی کو شیڈول کے مطابق جاری رہیں گی۔
کاشف مرزا نے بتایا کہ ملک بھرمیں موسم گرما کی تعطیلات 15جون تا 14 اگست ہوں گی، موسم گرماکی تعطیلات کے بعد ملک بھر میں پرائیویٹ اسکول 15 اگست کوکھلیں گے، سندھ میں موسم گرماکی تعطیلات یکم جون تا 31جولائی ہوں گی۔ واضح رہے کہ شہدائے پاکستان کی قربانیوں کو خراج تحسین پیش کرنے کا فیصلہ کیا گیا ہے جس کے تحت 25 مئی کو’یوم تکریم شہدائے پاکستان‘ منایا جائے گا۔
حکومت نے کل یوم یکجہتی شہداء کنونشن کے انعقاد کا فیصلہ کیا ہے،مسلح افواج ،پولیس اور دیگر فورسز کے شہداء کو خراج عقیدت پیش کیا جائے گا کنونشن سنٹر میں منعقد ہونے والے پروگرام میں ملک بھر سے شہداء کی فیملیز شرکت کریں گی وزیراعظم شہباز شریف شہداء کنونشن سے خطاب کریں گے کنونشن میں وفاقی وزراء،سول سوسائٹی اور سفیر بھی شرکت کریں گے کنونشن صبح ساڑھے دس بجے وفاقی وزیر منصوبہ بندی احسن اقبال کی میزبانی میں شروع ہو گا ،یوم یکجہتی شہداء کنونشن میں 9 مئی کے واقعات پر بھی تقاریر ہوں گی ،9 مئی کے واقعات کی خصوصی ویڈیوز بھی دکھائی جائیں گی پاک فوج سے اظہار یکجہتی بھی کی جائے گی
اس دن کو منانے کا مقصد شہداء کی لازوال قربانیوں کی یاد تازہ کرنا ہے اور قوم کو یہ پیغام بھی دینا ہےکہ شہداء، اُن کی فیملیز اور یادگاروں کا احترام ہرپاکستانی کا فخرہے۔ اس روز ملک بھر میں شہداء کے ایصال ثواب کے لیے قرآن خوانی اور دعاؤں کا اہتمام کیا جائے گا جب کہ افواجِ پاکستان، پولیس اور دیگر قانون نافذ کرنے والے اداروں کی یادگارِ شہداء پر سلامی دی جائے گی۔
مزید یہ بھی پڑھیں؛
آئین کا تحفظ ہمارے بنیادی فرائض میں شامل ہے۔ چیف جسٹس
100 واں ڈے،پی سی بی نے بابر اعظم کی فتوحات کی فہرست جاری کر دی
لندن میں نواز شریف کے نام پرنامعلوم افراد نے تین گاڑیاں رجسٹرکرالیں،لندن پولیس کی تحقیقات جاری
بینگ سرچ انجن تمام صارفین کیلئے کھول دیا گیا
انٹربینک میں ڈالر سستا ہوگیا
ووٹ کا حق سب سے بڑا بنیادی حق ہے،اگر یہ حق نہیں دیاجاتا تو اس کامطلب آپ آئین کو نہیں مانتے ,عمران خان
سعیدہ امتیاز کے دوست اورقانونی مشیرنے اداکارہ کی موت کی تردید کردی
اس کے علاوہ جی ایچ کیو، ائیر اور نیول ہیڈکوارٹرز اور دیگر متعدد یادگار شہداء پر تقریبات ہوں گی جب کہ صوبائی دارالخلافہ، آزاد کشمیر اورگلگت بلتستان میں بھی یادگار شہداء پربھی تقریبات ہوں گی۔
