کراچی: تین ہٹی کے قریب جھگیوں میں آگ کیسے لگی؟ پولیس معاملے کی تہہ تک پہنچ گئی

0
35

کراچی لیاقت آباد تین ہٹی کے قریب جھگیوں میں آگ لگی نہیں تھی بلکہ لگائی گئی تھی –

باغی ٹی وی :سپرمارکیٹ پولیس نے خفیہ اطلاع پرکارروائی کرتے ہوئے جھگیوں کو آگ لگانے والے ایک ملزم فہد ولد جاوید کو گرفتارکر لیا جبکہ 3 ملزمان کیول، وجے اور ساگر فرار ہیں جن کی گرفتاری کے لیے کوششیں کی جا رہی ہیں گرفتارومفرورملزمان نے امداد حاصل کرنے کے لیے خود جھگیوں میں آگ لگائی تھی ۔

کراچی: تین ہٹی پر آتشزدگی سے 35 جھگیاں جل کر راکھ ہو گئیں

گرفتارملزم نے دوران تفتیش جھگیوں کو آگ لگانے کا اعتراف کر لیا ہے بہت جلد باقی تینوں ملزمان کوبھی گرفتارکرلیا جائے گا ، گرفتارومفرورملزمان خود بھی ان ہی جھگیوں میں مقیم تھے ۔

ایس ایس پی سینٹرل نے بتایا کہ گزشتہ سال جھگیوں کو آگ لگی تھی اور رہائشیوں کو بہت زیادہ امداد ملی تھی رواں سال بھی گرفتار و مفرور ملزمان نے امداد کی لاچ میں جھگیوں کو آگ لگانے کا منصوبہ بنایا اور اس پرعمل درآمد کرتے ہوئے جھگیوں کو آگ لگائی ۔

لاوارث کراچی میں الیاس کوچ ڈرائیور کی خواتین سے بدتمیزی

انہوں نے بتایا کہ جھگیوں کو آگ لگانے کے واقعہ کامقدمہ الزام نمبر 2021/748 بجرم دفعات436،34/427 کے تحت سپر مارکیٹ تھانے میں درج کر کے تفتیش شروع کردی گئی ہے۔

واضح رہے کہ 20نومبرکی صبح سپرمارکیٹ تھانے کےعلاقے لیاقت آباد تین ہٹی کے قریب پراسرار طور پرجھگیوں میں ہولناک آتشزدگی کا واقعہ پیش آیا تھا جس میں درجنوں جھگیوں اوران میں موجود سامان جل کر راکھ ہو گیا تھا، آتشزدگی کے دوران کسی قسم کا کوئی جانی نقصان نہیں ہوا تھا.

گھریلو ملازمہ نے مالکن کو قہوہ ملا کر پڑوسی ڈرائیور کے ساتھ ملکر کیا گھناؤنا کام

Leave a reply