کشمور:ایک ہی روز میں 5 بنک ملازمین سمیت 8 افراد اغواء

کندھ کوٹ،تنگوانی نامہ نگار باغی ٹی وی)ایک ہی روز میں 5 بنک ملازمین سمیت 8 افراد اغواء،غوثپور کے قریب نجی بنک کے پانچ ملازم گاڑی سمیت پراسرار طور لاپتہ ہوگئے ہیں ، ورثاء نے اغوا کا شبہ ظاہر کردیا ہے،

مبینہ طور اغوا ہونے والوں میں نجی بینک کے ریکوری افسر الطاف گولو،ڈرائیور محمد عالم گولو ،فرمان لانگھا ،راجہ نصیرانی اور گلاب ڈاہانی شامل ہیں

ملازمین کے ورثاء کاکہنا ہے کہ نجی بینک کے پانچوں ملازم لون کی ریکوری کیلئے دڑی کے علاقے گئے تھے جن کے موبائل فون 6 گھنٹوں سے بندجارہے ہیں

ملازمین کے ورثاء نےاغوا کا شبہ ظاہر کر کے پولیس تھانے میں رپورٹ درج کروا دی ہے

کچے کے ڈاکوئوں نے مزید دو افراد کو اغوا کرلیا،اغواء کایہ واقعہ تنگوانی کے قریب سوکڑ اسٹاپ پرکرمپور سے ٹھل جانے والی بس پر ڈاکوؤں نے دھاوا بولا ،لوٹ مار کے بعد ڈرائیور اور کلینر کو اغوا کرکے لے گئے

ایک اور واقعہ تھانہ ڈیرہ سرکی کی حدود تنگوانی ٹھل لنک روڈ پر ڈاکوؤں نے چنگچی رکشہ میں سوار دو افراد عبدالرشید جعفری اور انیس بروہی کو اغوا کر لیا
مگر ذرائے کے مطابق اس واقعہ کی اطلاع ملنے پر ورثا اور پولیس نے ڈاکوؤں کا تعاقب کیا ،ڈاکو ایک مغوی عبدالرشید جعفری کو چھوڑ کر دوسرے کو لیکر کچے کی طرف فرار ہوگئے

ایک اور واقعہ میں ڈاکوؤں نے تنگوانی کے رہائشی بکھرانی برادری کے نوجوان معشوق اور ظفر بکھرانی کو اغواء کرنے کی کوشش کی جس پر نوجوانوں نے شدید مزاحمت کی ،جس میں وہ شدید زخمی بھی ہوگئے اور اپنے آپ کو اپنے آپ کو اغواء ہونے سےبچا لیا ہے جبکہ ڈاکو فرار ہوگئے