پاکستانی وزیراعظم عمران خان کے بعد بھارت کی سکھ تنظیم ’اکال تخت‘نے بھی آرایس ایس کے حوالے سے بڑا مطالبہ کر دیا ہے۔ اکال تخت کے مطابق آرایس ایس ملک کو توڑنے کا کام کر رہی ہے۔
مدنی صاحبان آر ایس ایس کے معترف کیوں ؟ تحریر بھارتی صحافی ادتیہ مینن
بھارتی میڈیا کے مطابق اکال تخت کے سربراہ ہرپریت سنگھ نے کہا کہہ آر ایس ایس جس طریقے سے کام کر رہی ہے، اس سے تو یہ لگتا ہے کہ وہ ملک کو تقسیم کر دے گی۔ آر ایس ایس رہنماﺅں کے بیانات کسی بھی طرح ملک کے مفاد میں نہیں ہیں۔ہرپریت سنگھ نے آرایس ایس پر پابندی عائد کرنے کا مطالبہ کیا ہے۔
ہرپریت کے بقول بھارت میں سبھی مذاہب کے لوگ رہتے ہیں۔ یہاں سکھ، عیسائی، یہودی اور پارسی بھی رہتے ہیں۔ بہت ساری زبانیں بولی جاتی ہیں۔ یہ کہنا کہ اس ملک کو ہندو راشٹر بنانا ہے، یہ غلط ہے۔ یہ ملک کے مفاد میں نہیں ہے۔
19 لاکھ مسلمانوں کی شہریت ختم کر دی ، بھارت نے ایسا کیوں کیا ؟ خبر نے مسلمانوں کو شدید غصہ دلا دیا
واضح رہے کہ گزشتہ دنوں ناگپور ہیڈ کوارٹر میں منعقد ہ ایک تقریب کے دوران آر ایس ایس سربراہ موہن بھاگوت نے کہا تھا کہ ہندوستان کی شناخت ہمیشہ سے ایک ہندو راشٹر کی رہی ہے۔ بھارت ہندوستان ہے، ایک ہندو راشٹر ہے۔ اس بیان کے بعد موہن بھاگوت کو کافی تنقید کا سامنا کرنا پڑا تھا۔
