کرونا وائرس،پنجاب کے تعلیمی اداروں میں چھٹیاں ہونگی یا نہیں؟ ڈاکٹر ظفر مرزا نے بتا دیا

کرونا وائرس،پنجاب کے تعلیمی اداروں میں چھٹیاں ہونگی یا نہیں؟ ڈاکٹر ظفر مرزا نے بتا دیا

باغی ٹی وی کی رپورٹ کے مطابق وزیراعظم عمران خان کے معاون خصوصی برائے صحت ڈاکٹر ظفر مرزا نے کہا ہے کہ مجھے بڑی امید ہے کہ تمام سیکٹرز وفاقی اور صوبائی سطح پر ملکر کام کر رہے ہیں اس کا اچھا نتیجہ ملے گا، اس وقت ہم یہ نہیں کہہ سکتے کہ سکول بند کر دیئے جائیں، صوبائی حکومتیں خود مختار ہیں وہ خود فیصلے کرتی ہیں، پنجاب میں چھٹیوں کا فیصلہ پنجاب حکومت کرے گی ،وفاق کو کوئی اعتراض نہیں ہو گا،اسلام آباد اور ملحقہ علاقوں میں ابھی تک سکول بند نہیں کئے گئے،5 مریضوں کا علاج جاری ہے وہ تیزی سے صحتیاب ہو رہے ہیں،

ڈاکٹر ظفر مرزا نے کہا کہ ڈینگی کے حوالہ سے نیشنل پروگرام لا رہے ہیں ہم نے صوبوں کے ساتھ مشاورت کی ہے، ڈینگی کو قابو کرنے کی کوشش کریں گے،عوام کے لئے پیغام ہے کہ بلا ضرورت پریشان نہ ہوں اور ماسکوں کے پیچھے نہ بھاگیں، اگر آپ خود ایسے شخص ہیں جو ایران یا چین سے واپس آئے ہیں تو اپنے آپ پر نظر رکھیں ،اس دوران بخار، کھانسی ہو تو ہیلپ لائن پر رابطہ کریں، ہر نزلے زکام کو کرونا وائرس نہیں سمجھنا چاہئے، اس پر پریشان ہونا شروع ہو گئے تو افرا تفری پھیل جائے گی، اپنے ہاتھوں کو بار بار دھوئیں، ہجوم والی جگہوں پر نہ جائیں،

ڈاکٹر ظفر مرزا نے مزید کہا کہ 620 طلبا ووہان میں ہیں، اور 1094 صوبے میں ہیں، ان کی فلاح و بہبود کے لئے چین کی حکومت کے ساتھ ملکر جو کیا جا سکتا تھا کر رہے ہیں، ہماری ایمبیسی فعال ہے، ہم چین کے قوانین کا احترام کرتے ہیں، ہبئی صوبہ سے باہر کسی پر آنے جانے میں کوئی پابندی نہیں،