چودھری برادران کی چیئرمین نیب کیخلاف درخواست سماعت کیلئے منظور
باغی ٹی وی کی رپورٹ کے مطابق لاہور ہائیکورٹ نے چودهری برادران کی چیئرمین نیب کے اختیارات کیخلاف درخواست سماعت کے لیے منظور کرلی۔ جسٹس سرداراحمدنعیم کی سربراہی میں 2 رکنی بینچ نےکیس کی سماعت کی،عدالت نے چیئرمین نیب اور دیگر فریقین سے 11 مئی تک جواب طلب کرلیا۔
سپیکر پنجاب اسمبلی چوھدری پرویز الہیٰ عدالت میں پیش ہوئے،جسٹس سردار احمد نعیم نے کہا کہ کیس کی فائل ابھی موصول ہوئی ہے ۔کیس کی فائل ابھی ابھی پڑھی نہیں ہے ۔عدالت نے چوہدری برادران کے کیس پر سماعت پیر کے روز تک ملتوی کر دی
لاہور ہائیکورٹ میں دائر درخواست میں مسلم لیگ ق کے رہنماؤں چوھدری برادران نے موقف اپنایا کہ نیب سیاسی انجینئرنگ کرنیوالے ادارہ ہے، نیب کے کردار اور تحقیقات کے غلط انداز پر عدالتیں فیصلے بهی دے چکی ہیں، چیئرمین نیب نے ہمارے خلاف 19 سال پرانے معاملے کی دوبارہ تحقیقات کا حکم دیا ہے، نیب نے 19 سال قبل آمدن سے زائد اثاثہ جات کی مکمل تحقیقات کیں مگر ناکام ہوا۔
چیئرمین نیب کیخلاف درخواست کی سماعت کے بعد میڈیا سے گفتگو pic.twitter.com/7I1ETOZbSm
— Baaghi TV باغی ٹی وی (@BaaghiTV) May 7, 2020
چودھری برادران کی جانب سے دائر درخواست میں مزید کہا گیا کہ چیئرمین نیب کو 19 سال پرانے اور بند کی جانیوالی انکوائری دوبارہ کهولنے کا اختیار نہیں، ہمارا سیاسی خاندان ہے، سیاسی طور پر انتقام کا نشانہ بنایا جاتا رہا ہے۔
شہباز شریف کو لائف ٹائم ایوارڈ برائے کرپشن دیا جائے: شہباز گل
حمزہ شہباز کے پروڈکشن آرڈر کے خلاف درخواست دائر
عوام کرونا سے اور نیب شہباز شریف سے لڑ رہا ہے، مریم اورنگزیب
احسن اقبال کی گرفتاری، مریم اورنگزیب چیئرمین نیب پر برس پڑیں کہا جو "کرنا” ہے کر لو
نیب سے کون خوفزدہ تھا؟ ترمیمی آرڈیننس کیوں لائے؟ وزیراعظم نے بتا دیا
نواز شریف کے قریبی دوست میاں منشا کی کمپنی کو نوازنے پر نیب کی تحقیقات کا آغاز
نواز شریف سے جیل میں نیب نے کتنے گھنٹے تحقیقات کی؟
تحریک انصاف کا یوٹرن، نواز شریف کے قریبی ساتھی جو نیب ریڈار پر ہے بڑا عہدہ دے دیا
نیب ترمیمی آرڈیننس 2019 کی مدت ختم، نیب کو پھر مل گئے وسیع اختیارات
چودھری برادران نے عدالت سے استدعا کی ہے کہ نیب کا 19 برس پرانے آمدن سے زائد اثاثہ جات کی انکوائری دوبارہ کهولنے کا اقدام غیر قانونی قرار دیا جائے۔.عدالت نے درخواست سماعت کے لئے منظور کر لی ہے اور چیئرمین نیب و دیگر سے جواب طلب کر لیا ہے
کیس کی سماعت کے بعد چودھری برادران کے وکیل کا میدیا سے گفتگو کرتے ہوئے کہنا تھا کہ ہم نے اپنا مکمل موقف تحریری طور پر سامنے رکھ دیا ہے، منگل کا نوٹس ہو گیا ہے، بیس سال کے بعد ہم نے فیصلہ کیا کہ عدلیہ کے پاس جانا چاہئے، توقع کرتے ہین عدلیہ انصاف کرے گی، بار بار یہ کیس اٹھایا جاتا ہے ، تفتتشی افسران بار بار لکھ کر دیتے ہیں کہ اس میں کچھ نہیں ہے، ایک نا معلوم شخص کی درخواست پر یہ ساری کاروائی کی گئی
