باغی ٹی وی کی رپورٹ کے مطابق گورنر پنجاب چودھری محمد سرور نے کورونا سے صحت یاب ہونیوالوں سے پلازمہ عطیہ کر نے کی اپیل کردی
گورنر پنجاب چودھری محمد سرور کا ویڈیا پیغام میں کہنا تھا کہ کوروناکو شکست دیکر ابتک 50ہزار سے زائد لوگ صحت یاب ہوچکے ہیں ‘صحت یاب ہونیوالوں کو اللہ تعالیٰ نے موقعہ دیا ہے وہ دوسروں کی مدد کریں ،میں کورونا کیخلاف جنگ جتنے والوں سے اپیل کرتاہوں وہ اپنا پلازمہ عطیہ کریں ،
گورنر پنجاب چودھری محمد سرور نے کورونا سے صحت یاب ہونیوالوں سے پلازمہ عطیہ کر نے کی اپیل کردی #baaghitv @ChMSarwar @TeamSarwar pic.twitter.com/00Op2Kf5qC
— Baaghi TV باغی ٹی وی (@BaaghiTV) June 16, 2020
گورنر پنجاب چودھری سرور کا مزید کہنا تھا کہ ایس اوپیز پرعمل نہ کرنیوالوں کو کورونا نہیں چھوڑ ےگا. ایس او پیز پر عمل نہ کر نیوالوں کے ساتھ سختی کا حکومتی فیصلہ قوم کی تر جمانی ہے ، ماسک سمیت تمام حفاظتی اقدامات میں کوتاہی کی ا ب کوئی گنجائش نہیں ایس اوپیز پر عمل نہ کر نیوالے کسی رعایت کے مستحق نہیں حکومت ایکشن لے گی، ہم سب نے ملکر پاکستانی عوام کو کورونا وباء سے بچانا ہے
کرونا وائرس سے کس ملک کے فوج کے جنرل کی ہوئی موت؟
ٹرمپ کی بتائی گئی دوائی سے کرونا کا پہلا مریض صحتیاب، ٹرمپ نے کیا بڑا اعلان
کرونا کیخلاف منصوبہ بندی، پاکستان میں فیصلے کون کررہا ہے
ماہر امراض خون اور نیشنل انسٹیٹیوٹ آف بلڈ ڈیزیز( این آئی بی ڈی) کے سربراہ ڈاکٹر طاہر شمسی نے کہاہے کہ پلازمہ کے عطیات کے حوالے سے لوگوں کا ردعمل اچھا نہیں،
ڈاکٹر طاہر شمسی کا کہنا تھا کہ ہمیں ہر روز300 افراد کی پلازمہ کےلئے درخواست موصول ہو رہی ہیں،انسانیت کے نام پر اپیل کررہے ہیں لیکن وہ رسپانس نہیں دے رہے ۔کورونا کے خاتمے کےلئے بغیر دوا کے علاج کررہے ہیں،اب تک دو سو سے زائد افراد کو ملک بھر میں پلازمہ لگایا گیا ہے۔
ڈاکٹر طاہر شمسی کا مزید کہنا تھاکہ نوے فیصد لوگ جو وینٹی لیٹر پر جاتے ہیں وہ واپس نہیں آتے ، پلازمہ کی دستیابی ایک مسئلہ بنا ہوا ہے، اسے جمع کرنے کی سہولتیں نہیں ہیں ،پلازمہ دینے والے ہماری بات نہیں سمجھ رہے .
ڈاکٹر طاہر شمسی کا مزید کہنا تھا کہ پلازمہ والے80 فیصد مریض وینٹی لیٹر پر جانے سے بچ گئے جو حوصلہ افزا نتائج ہیں ، پلازمہ کے اخراجات انتہائی کم ہیں، صحت یاب ہونے والا ہر مریض ہر ہفتے پلازمہ دے سکتا ہے،دو سے تین روز میں دوبارہ پلازمہ بن سکتا ہے،ایک پلازمہ سے دو افراد بچ سکتے ہیں۔
