باغی ٹی وی کی رپورٹ کے مطابق مرکزی جمعیت اہلحدیث کے رہنما سینیٹر حافظ عبدالکریم نے کہا ہے کہ ڈاکٹر طاہر القادری اور عمران خان وہ قومی اور تاریخی مجرم ہیں جو ایک ترقی کرتے ملک کو برباد کرنے کیلئے استعمال ہوئے،
سماجی رابطے کی ویب سائٹ ٹویٹر پر ٹویٹ کرتے ہوئے سینیٹر ڈاکٹر عبدالکریم کا کہنا تھا کہ یہ ھیں وہ قومی اور تاریخی مجرم ،جو ایک ترقی کرتے ملک کو ترقی کے راستے سے ہٹانے کیلئے متعدد بار استعمال ھوئے
یہ ھیں وہ قومی اور تاریخی مجرم
جو ایک ترقی کرتے ملک کو ترقی کے راستے
سے ہٹانے کیلئے متعدد بار استعمال ھوے
اللہ تعالی تمام مہروں اور کرداروں کو ضرور
بے نقاب بھی کریگا اور انکے کیے کی جزا بھی https://t.co/SCj5IsYFRB— Senator Dr. Abdul Kareem (@SenDrAbdulKarim) June 21, 2020
سینیٹر ڈاکٹر عبدالکریم کا مزید کہنا تھا کہ اللہ تعالی تمام مہروں اور کرداروں کو ضرور بے نقاب بھی کریگا اور انکے کیے کی جزا بھی
علامہ ڈاکٹر طاہر القادری کی ایک ویڈیو سامنے آئی ہے جس میں وہ کہتے ہیں کہ حکمران وہ شخص ہے جو میرے شانہ بشانہ کھڑے ہو کر ماڈل ٹاؤن کے مظلوموں کو انصاف دلوانے کا وعدہ کرتا رہا، آج وہ حکمران ہیں، طاقت میں ہیں، لیکن وہ خاموش ہیں، اور ایک بیان تک دینے کو تیار نہیں ہیں.مرکز مین، پنجاب میں انکی حکومت ہے، قانون انکے ساتھ ہے لیکن وہ خاموش ہیں.
سانحہ ماڈل ٹاؤن، جواب جمع نہ کروانے پر عدالت نے کس کو طلب کر لیا؟
واضح رہے کہ سانحہ ماڈل ٹاؤن کی برسی 17 جون کو منائی گئی،ورثاء 6سال سے ایک ہی مطالبہ دہرا رہے ہیں کہ سانحہ کی غیر جانبدار تفتیش کروائی جائے، سپریم کورٹ کے حکم پر تفتیش کے لئے دوسری جے آئی ٹی بنی جس کے سربراہ اے ڈی خواجہ تھے اس جے آئی ٹی کو لاہور ہائی کورٹ کے حکم پر کام کرنے سے روک دیا گیا،
