باغی ٹی وی کی رپورٹ کے مطابق امریکی خاتون بلاگر سینتھیا کے خلاف پیپلز پارٹی کی درخواست پر سماعت اسلام آباد ہائیکورٹ کے چیف جسٹس اطہر من اللہ نے کی
اسلام آباد ہائی کورٹ نے وزارت داخلہ کو درخواست کا فیصلہ کرنے کی ہدایت کر دی،عدالت نے کہا کہ وزارت داخلہ درخواست پر فیصلے کی کاپی عدالت میں جمع کرائے،وزارت داخلہ قانون کو مدنظر رکھ کر درخواست کا فیصلہ کرے،
پیپلز پارٹی کی جانب سے سردار لطیف کھوسہ ایڈووکیٹ عدالت کے سامنے پیش ہوئے،ڈپٹی اٹارنی جنرل طیب شاہ نے عدالت میں کہا کہ سنتھیا ڈی رچی کا بزنس ویزا دو مارچ کو ختم ہو چکا،سنتھیا نے ویزا میں توسیع کی درخواست دی جو ابھی زیر التوا ہے،
چیف جسٹس اطہر من اللہ نے کہا کہ جس کا ویزا ختم ہو جائے اس کے حوالے سے قانون کیا کہتا ہے؟کچھ قواعد و ضوابط ہوں گے ؟ جس پر جوائنٹ سیکرٹری داخلہ کی جانب سے لاعلمی پر عدالت نے برہمی کا اظہارکیا،عدالت نے کہا کہ لگتا ہے آپ مکمل تیار نہیں یا آپ کو معلومات ہی نہیں،
واضح رہے کہ 26 جون کو بھی ویزا قواعد کی خلاف ورزی کے حوالہ سے درخواست پر اسلام آباد ہائیکورٹ میں سماعت ہوئی تھی،
وکیل درخواست گزار نے کہا کہ سنتھیا رچی کے ویزےکی مدت ختم ہو چکی ہے، چیف جسٹس اطہر من اللہ نے استفسار کیا کہ آپ کو کیسے معلوم کہ ویزے کی میعاد ختم ہو چکی ہے؟
وکیل نے کہا کہ سنتھیا ڈی رچی نے خودسوشل میڈیا میں ویزےکی میعاد ختم ہونےکااعتراف کیا ،سنتھیا رچی نے ایف آئی اے کو کہا کہ وہ بزنس کر رہی ہیں،سنتھیا نےپیپلز پارٹی کی لیڈرشپ کے خلاف سوشل میڈیا پربیانات دیے،
عدالت نے درخواست پر مختصر سماعت کے بعد وفاق، وزارت داخلہ، ایف آئی اے اور ایس ای سی پی کو نوٹس جاری کرتے ہوئے سماعت 3 جولائی تک ملتوی کردی۔
سنتھیا ڈی رچی کو پاکستان سے ڈی پورٹ کرنے کے لیے اسلام آباد ہائی کورٹ میں درخواست دائر کی گئی، پیپلز پارٹی راولپنڈی کے جنرل سیکرٹری چودھری افتخار نے درخواست جمع کرائی درخواست میں سیکرٹری کابینہ، سیکرٹری داخلہ، ایف آئی اے اور ایس ای سی پی فریق بنایا گیا
درخواست میں موقف اختیار کیا گیا کہ سنتھیا ریاست مخالف سرگرمیوں میں ملوث ہے اور اس کی رسائی حساس اداروں تک ہے سنتھیا دس سال سے پاکستان میں ہے اور اس کے ذرائع آمدن کا معلوم نہیں اور نہ ہی سنتھیا کا کوئی کاروبار ایس ای سی پی کے پاس بھی رجسٹرڈ ہے ۔
درخواست میں یہ موقف بھی اختیار کیا گیا کہ سنتھیا نے بے نظیر بھٹو پر بھی الزامات عائد کیے اور عالمی سطح پر ملکی ساکھ کو نقصان پہنچایا درخواست میں عدالت سے استدعا کی گئی کہ ایف آئی اے معاملے کی انکوائری کر رہا ہے امریکی شہری کی سرگرمیاں محدود کی جائیں امریکی شہری سنتھیا رچی کا ویزہ مارچ میں ختم ہو چکاپاکستان میں قیام غیر قانونی ہے درخواست میں استدعا کی گئی کہ عدالت سنتھیا کو پاکستان سے ڈی پورٹ کرنے کے احکامات جاری کریں
سینتھیا کس کی اجازت اور خرچے پاکستان میں گھوم پھر رہی ہے ؟ حکومت واضح کرے ، فرحت اللہ بابر
پیپلز پارٹی والو ، پارٹی تو ابھی شروع ہوئی ہے، سینتھیا
پی پی کے ایک اور جیالے نے سعودی نمبر سے فحش تصاویر بھیجیں، کوئی انہیں روکنے والا نہیں ؟ سینتھیا
اگر پیپلز پارٹی ایک صحرا ( تھر ) کو نہیں چلا سکتی تو پورا ملک بھی نہیں چلا سکتی، سینتھیا
امریکی خاتون سنتھیا کے رحمان ملک پر ریپ کے الزامات ، رحمان ملک کے بیٹوں نے بڑا اعلان کر دیا
سینتھیا نے رحمان ملک کے خلاف بڑا قدم اٹھا لیا
سینتھیا، رحمان ملک، قانونی جنگ جاری، رحمان ملک نے بھجوایا تیسرا نوٹس
میرے ساتھ جو ہوا بلاول نے مذمت کیوں نہیں کی؟ میری آواز کو کیوں دبایا جا رہا ہے؟ سینتھیا
واضح رہے کہ پاکستان میں مقیم امریکی خاتون بلاگر سنتھیا رچی نے پیپلز پارٹی کی اعلیٰ قیادت پر سنگین الزامات لگائے ہیں،سنتھیا رچی نے اپنے ویڈیو پیغام میں سینیٹر رحمان ملک پر زيادتی کرنے کا الزام لگاتے ہوئے کہا کہ ان کیساتھ یہ واقعہ 2011ء میں پیش آیا، جب وہ وفاقی وزیر داخلہ تھے۔
سنتھیا رچی نے اپنی ویڈیو میں اس کے علاوہ دعویٰ کیا کہ سابق وزیر صحت مخدوم شہاب الدین نے بھی ان کیساتھ بدسلوکی کی تھی۔ سابق وزيراعظم یوسف رضا گیلانی نے ان کیساتھ تب دست درازی کی جب، وہ ایوان صدر میں مقیم تھے۔
سینتھیا کی جانب سے پیپلز پارٹی کو بے نقاب کرنے کا سلسلہ کئی روز سے جاری ہے، پی پی حکام نے امریکی خاتون کے خلاف ایف آئی اے، ڈی جی آئی ایس آئی کو درخواستیں بھی جمع کروا دی ہیں، سینیٹر رحمان ملک، سینیٹر سحر کامران اس حوالہ سے متحرک ہیں تا ہم سینتھیا پیپلز پارٹی کے حوالہ سے آئے روز نئے انکشافات سامنے لے کر آ رہی ہے
