باغی ٹی وی کی رپورٹ کے مطابق پیپلز پارٹی کے چیئرمین بلاول زرداری سے ملاقات کے بعد ن لیگی رہنما احسن اقبال کا کہنا تھا کہ ہم نے حکومت کے کلہاڑوں کا مقابلہ کیا، ہماری قیادت سے لے کر نیچے تک ہر بندہ جیلیں کاٹ کر آیا، ہم نے جو قربانیاں دیں اسی کا نتیجہ ہے کہ یہ حکومت دو سال میں جتنی کمزور ہوئی اتنی کوئی حکومت نہیں ہوئی، اپوزیشن نے حکومتی ناکامیوں کو ایکسپوز کیا ہے، اب مرحلہ ہو گیا ہے کہ جدوجہد کو آگے لے کر جائیں ، سب اپوزیشن جماعتوں کی مشاورت سے مشترکہ لائحہ عمل بنائیں گے
مسلم لیگ ن کے رہنما احسن اقبال کا کہنا تھا کہ پیپلزپارٹی کی میزبانی پر شکر گزار ہوں، شہباز شریف کی ہدایت پر ہم بلاول اور انکی ٹیم کے ساتھ ملنے آئے اور ملکی صورتحال پر تبادلہ خیال کیا، اپوزیشن کی دونوں بڑی جماعتوں کے مابین ہم آہنگی ہے کہ حکومت نے دو سالوں میں ملک کو جہاں پہنچا دیا، عوام کی زندگی میں مہنگائی ، بے روزگاری، غربت کا زہر گھول دیا، معاشی بحران میں دھکیل دیا، خارجہ پالیسی کے حوالہ سے ملک بحران کا شکار، مقبوضہ کشمیر کے عوام بھارت کے ظلم کا اکیلا مقابلہ کر رہے ہیں انکو ان کے حال پر چھوڑ دیا گیا، ملک میں نفرت اور محاذ آرائی کی سیاست کو فروغ دیا گیا، میڈیا کا گلا گھونٹنے کے لئے صحافیوں اور میڈیا مالکان کو انتقامی ایجنڈے کا نشانہ بنا کر آزادی اظہار رائے کو کچلنے کی کوشش کی، آئینی حکمرانی کے تصور کو ملیا میٹ کیا جا رہا ہے،یہ وہ خطرات ہیں جو پاکستان کی ریاست کی بنیادوں کو کھوکھلا کر رہے ہی
احسن اقبال کا کہنا تھا کہ ملک 22 کروڑ عوام کی امنگوں کے مطابق کسی اور راستے پر نہیں چل سکتا، آئین پاکستان ہی واحد راستہ ہے،ماضی میں تجربات نے ملک کو نقصان پہنچایا، معیشت حکومت کی نااہلی کی وجہ سے تباہ ہو گئی ہے، اس حکومت کے قائم رہنے سے داخلی اور خارجی خطرات کا سامنا ہو گا، ہمیں داخلی یکجہتی کی ضرورت ہے لیکن حکومت اتحاد کا شیرزاہ بکھیر رہی ہے، ہم متفق ہیں کہ حکومت سے نجات حاصل کرنا عوامی امنگوں کے عین مطابق ہے، تمام جماعتوں سے مشاورت کے بعد عید کے بعد اے پی سی ہو گی
احسن اقبال کا مزید کہنا تھا کہ عمران خان کی حکومت کو کرونا نے بچا لیا، کرونا کی وجہ سے ہم سب کو سیاسی سرگرمیاں معطل کرنا پڑیں،
احسن اقبال کا مزید کہنا تھا کہ حکومت کو گنجائش دینے کا مطلب ملک کو اور نقصان ہے،ایف اے ٹی ایف دہشت گردی کے خلاف ایجنڈہ ہے، حکومت فیٹف کی آڑ میں ایسا قانون مسلط کر رہی ہے جو نیب کا باپ نہیں دادا ہے، یعنی 90 دن کے لئے بغیر ریمانڈ کے پکڑ سکیں اور اسکے بعد 90 دن ضمانت نہ ہو، کسی میڈیا والے، تاجر، صحافی کارکن کو بوگس 100 ڈالر کی چٹ بنا کر اقتصادی دہشت گردی کی دفعہ لگا کر 180 دن کے لئے جیل میں ڈال دیا جائے گا، فیٹف کا قانون جو حکومت بنا رہی ہے ثابت کریں کہ کسی ملک مین ایسا قانون موجود ہے، افغانستان میں بھی ایسا قانون نہین ہے، انٹرنیشنل کمیونٹی کا نام لے کر کالے قانون مسلط کرنے کی کوشش کی جا رہی ہے، ہم مزاحمت کریں گے، ہم کسی طور پر ایسی اجازت نہین دیں گے،اس سے قوم نئی دلدل میں پھنسے گی، عوام کی سیاسی حقوق صلب کر لئے جائیں گے.
امریکی خاتون سنتھیا کے رحمان ملک پر ریپ کے الزامات ، رحمان ملک کے بیٹوں نے بڑا اعلان کر دیا
مشکوک خاتون دنیا کو بتا رہی ہے کہ پاکستانی ایک جنسی درندہ قوم ہیں.شاہ اویس نورانی
رحمان ملک ان ایکشن، الزامات پر سینتھیا کو 50 ارب ہرجانے کا دوسرا نوٹس بھجوا دیا
ق لیگ تو صرف سامنے تھی،حکومت ختم کرنے کی یقین دہانی کس نے کروائی تھی، مولانا فضل الرحمان
مولانا کے دھرنے کے وقت پرویزالہیٰ نے وزیراعظم کو کیا کہا تھا؟ چودھری شجاعت نے کیا اہم انکشاف
بلاول سے ن لیگی وفد کی ملاقات ختم، قمر زمان کائرہ نے اے پی سی کا اعلان کر دیا
