بیٹنگ کوچ یونس خان کے مستقبل کا فیصلہ کارکردگی سے مشروط
باغی ٹی وی : کرکٹ ٹیم کےبیٹنگ کوچ یونس خان سمیت ٹیم انتظامیہ میں شامل عہدیداروں کے مستقبل کا فیصلہ ان کی کارکردگی سے مشروط ہے۔
میڈیا رپورٹ کے مطابق یونس خان سے انگلینڈ ٹور کے بعد لانگ ایگریمنٹ کیا جا سکتا ہے تاہم پی سی بی ذرائع کا کہنا ہے کہ فی الحال اس معاملے پر غور نہیں کیا جا رہا کیونکہ یونس خان ابھی اپنی اولین ذمہ داری کی انجام دہی کر رہے ہیں لہٰذا دورے کے خاتمے پر ہی اس بارے میں سوچا جائے گا۔ ذرائع کا دعویٰ ہے کہ ہیڈ کوچ مصباح الحق اگرچہ یونس خان کی کارکردگی سے مطمئن ہیں لیکن ان کی بطور بیٹنگ کوچ کارکردگی اور دورے میں دیگر سٹاف اور پلیئرز کے ساتھ ان کے روابط کا جائزہ لینے پر ہی کوئی فیصلہ ممکن ہے۔
پی سی بی کا کہنا ہے کہ یونس خان بطور بیٹنگ کوچ اپنی ذمہ داریاں احسن طور پر نبھا رہے ہیں اور قومی بیٹسمینوں کے ساتھ ان کی محنت اور بہترین تعلقات سے بھی انکار ممکن نہیں تاہم انگلش ٹور میں ہیڈ کوچ مصباح الحق کی کارکردگی پر بھی سوالات اٹھائے جا رہے ہیں جس کی سب سے بڑی وجہ بطور چیف سلیکٹر ان کا اظہرعلی کو ٹیسٹ کپتانی دینے کا فیصلہ بھی ہے جو اوسط درجے کی بیٹنگ اور قیادت کے باعث غیر موثر دکھائی دے رہے ہیں جس کے پیش نظر قومی ٹیم کی وطن واپسی پرٹیم انتظامیہ میں بڑی اکھاڑ پچھاڑ متوقع ہے۔
https://baaghitv.com/psl-six-k-matches-ka-inaqad-pashawar-k-hayatabad-sports-complex-team-k-amad/
پاکستان میں پی ایس ایل کا شور و غل پھر سے ہونے لگا. انٹرنیشنل کرکٹ کونسل اور پی سی بی کے حکام نے پی ایس ایل کے انتظامات کیلئے پشاور کے حیات آباد سپورٹس کمپلیکس میں ترقیاتی کاموں کا جائزہ لیا۔
میڈیا رپورٹ کے مطبق پشاور کے حیات آباد اسپورٹس کمپلیکس میں پی ایس ایل سکس کے میچز کا انعقاد یقینی بنانے کیلئے ترقیاتی اقدامات کئے جا رہے ہیں، انٹرنیشنل کرکٹ کونسل اور پی سی بی کی خصوصی معائنہ ٹیم نے وینیو پر جاری ترقیاتی کاموں کا جائزہ لیا، پی ایس ایل سکس اگلے برس منعقد ہونی ہے جس کے پشاور میں میچز کروانے سے متعلق فیصلے کیلئے دورہ کیا گیا ہے.
