پاکستان شوبز انڈسٹری کے نامور گلوکار و اداکار علی ظفر نے چیئرمین سی پیک اتھارٹی اور معاون خصوصی برائے اطلاعات ونشریات لیفٹیننٹ جنرل (ر) عاصم سلیم باجوہ کا فلم انڈسٹری کی بحالی کیلئے ضروری اقدامات کی اصولی منظوری پر شکریہ ادا کیا ہے۔
باغی ٹی وی : پاکستان شوبز انڈسٹری کے نامور گلوکار و اداکار علی ظفر نے چیئرمین سی پیک اتھارٹی اور معاون خصوصی برائے اطلاعات ونشریات لیفٹیننٹ جنرل (ر) عاصم سلیم باجوہ کا فلم انڈسٹری کی بحالی کیلئے ضروری اقدامات کی اصولی منظوری پر شکریہ ادا کیا ہے انہوں نے لکھا کہ فلم انڈسٹری کے مسائل کے حل کے لیے اٹھائے گئے اقدامات کے شکرگزار ہیں۔
سوشل میڈیا سائٹ ٹوئٹر پر عاصم سلیم باجوہ نے وزیراعظم کی زیر صدارت فلم انڈسٹری کی بحالی سے متعلق اجلاس کی تفصیلات بتاتے ہوئے لکھا کہ فلم انڈسٹری کی بحالی کے لیے ضروری اقدامات کی اصولی منظوری دے دی گئی۔
انہوں نے بتایا کہ ملکی کلچر اور سماجی اقدار کے فروغ سمیت پروڈکشن کا معیار بہتر بنایا جائے گا، متعلقہ وزارتوں کو ضروری اقدامات کی ہدایات کردی گئیں ہیں۔
عاصم سلیم باجوہ نے یہ بھی لکھا کہ ’پاکستان ترقی کی راہ پر گامزن ہے۔
گلوکارعلی ظفر نے عاصم سلیم باجوہ کے ٹوئٹ پر ردعمل دیتے ہوئے عمران خان اور ٹیم کے اس اقدام کو خوش آئند قرار دیا-
Thank you @AsimSBajwa for taking this up with such vigour. InshAllah, this will be a game changer for the Pakistan Film Industry. 🙌 🇵🇰 https://t.co/27KPdxbLs9
— Ali Zafar (@AliZafarsays) September 18, 2020
علی ظفر نے عاصم سلیم باجوہ کو ٹیگ کرتے ہوئے لکھا کہ فلم انڈسٹری کے لئے اس طرح کے جوش و خروش کو جاری رکھنے کے لئے
آپ کا شکریہ-
انہوں نے لکھا کہ فلم انڈسٹری کی بہتری کیلئے اٹھائے گئے یہ اقدامات گیم چینجر ثابت ہوں گے۔
