عالمی شہرت یافتہ ترک شیف براک اوزڈیمیر پاکستان آ گئے ہیں اور انہوں نے اسلام آباد میں پریس کانفرنس میں کہا کہ میں پاکستان آیا ہوں پاکستان آکر خوشی ہوئی ہے کشمیری کھانے کھاؤں گا اور کشمیری کھانے بنانا بھی شروع کروں گا۔

باغی ٹی وی :عالمی ترک شیف نے حال ہی میں پاکستان آنے کا اعلان کیا تھا تاہم اب وہ پاکستان آ چکے ہیں اوراسلام آباد میں پریس کانفرس کے دوران پاکستان میں آنے پر اپنے جذبات کا اظہار کیا کہ پاکستان آکر خوشی ہوئی ہے پاکستان اور ترکی کے تعلقات ہمیشہ بہترین رہے ہیں۔

ترک شیف نے کہا کہ میں زلزلے پر پاکستانیوں کے پیغامات کا شکریہ ادا کرتا ہوں ترکی میں زلزلے کے باعث جلدی واپس چلا جاؤں گا۔

براق نے کہا کہ آئندہ پاکستان آیا تو لاہور، کراچی سمیت مختلف شہروں میں جاؤں گا اور مزید پاکستانی کھانے بنانا سیکھنا شروع کروں گا براق نے کہا کہ میں آج پناہ گاہ جاؤں گا اور وہاں پاکستانی کھانا بناؤں گا۔

ترک شیف اپنی کیوٹ مسکراہٹ کی وجہ سے بھی بہت مشہور ہیں انہوں نے کانفرنس میں ہر قت مسکراتے رہنے کے پیچھے کا راز بتاتے ہوئے کہا کہ میری دادی کہتی تھیں کہ تمہاری مسکراہٹ بہت اچھی ہے مسکرا کر لوگوں سے ملا کرو۔

پاکستان کے لئے اپنی پسندیدگی کا اظہار کرتے ہوئے براق نے کہا کہ مجھے پاکستان بہت پسند ہے پاکستانی پہلے ہمارے بھائی ہیں پھر کسٹمرز ہیں-

واضح رہے کہ عالمی شہرت یافتہ ترک شیف آج پاکستان پہنچے ہیں اورپاکستان پہنچنے پر ان کا کہنا تھا کہ برادر ملک پاکستان کی ثقافت اور ترکی کی ثقافت میں بےانتہا ہم آہنگی پائی جاتی ہے۔

براق کا کہنا تھا کہ وہ یہاں اس لیے بھی آئے ہیں کہ وہ یہ دیکھ سکیں کہ پاکستان دراصل دِکھتا کیسا ہے؟

براق کے پاکستان پہنچنے کی خبر مداحوں کو حسن نیازی نے سماجی رابطے کی ویب سائٹ ٹوئٹر پراپنے ٹوئٹ میں دیتے ہوئے ترک شیف کو پاکستان میں خوش آمدید کہا-

The worlds number 1 chef, @CznBurak reaches Pakistan – biggest Turkish celebrity in Pakistan to see what our beautiful country looks like #AikNayaKhwaab #CznBurak #KarakKhel #SpiceOfEast pic.twitter.com/vFofG1jXbJ

— Hassaan Niazi (@HniaziISF) October 31, 2020

براق کے پاکستان پہنچنے پر ان کے پاکستانی مداح بھی خوشی کا اظہار کرتے ہوئے انہیں پاکستان میں خوش آمدید کہہ رہے ہیں-

خیال رہے کہ اس سے قبل براک نے سوشل میڈیا پر جاری اپنے ایک ویڈیو پیغام میں بتایا تھا کہ وہ رواں ماہ پاکستان آئیں گے مشہور سماجی کارکن اور وکیل ، حسن نیازی کے ساتھ اپنی حالیہ ویڈیو میں ، براق اوزڈیمیر نے انکشاف کیا تھا کہ وہ رواں ماہ پاکستان آرہے ہیں۔

براق نے اپنی ویڈیو میں نیازی سے تعارف کرواتے ہوئے انہیں اپنا ‘پاکستان بھائی’ کہا اور بتایا تھا کہ وہ اس ماہ پاکستان آرہے ہیں اور جلد ہی سب سے ملیں گے علاوہ ازیں عالمی شہرت یافتہ تُرک شیف براق اوزڈیمیر نے حال ہی میں اپنے ویڈیو پیغام میں پاکستان اور کشمیر سے محبت کا اظہار کیا اور کشمیر آنے کی خوہش ظاہر کی تھی –

سوشل میڈیا پر جاری ویڈیو میں براق نے پاکستان کے ساتھ محبت کا اظہار کرتے ہوئے کہا تھا کہ ہمارا تعلق ترکی سے ہے، ہم پاکستان سےبہت بہت زیادہ محبت کرتےہیں۔ پاکستان ہمارے دل میں ہے۔ میری خواہش اور دعا ہےکہ ہم جلد کشمیر میں آئیں۔ کشمیر کےلیے محبت پاکستان کےلیے محبت ویڈیو میں براق کے ساتھ موجود ترک سماجی کارکن علی کیسک نے بھی کشمیر اور پاکستان کے ساتھ محبت کا اظہار کیا تھا –

علاوہ ازیں براق نے ایک ویڈیو میں اردو پیغام میں کہا تھا کہ ہوہ بہت جلد پاکستان پہنچنے والے ہیں جہاں پاکستان کی حسین سرزمین پرکچھ دن گزاریں گے-

سندھی شال اور ٹوپی پہن کر اردو میں پاکستان آنے کا پیغام دیتے ہوئے تُرک شیف براق اوزڈیمیرنے بڑی خوشی کااظہارکیا تھا اور ساتھ ہی اس خوشی میں پاکستان زندہ باد کے نعرے بھی بلند کئے- براق نے اپنی ٹوئٹ کے آخر میں ہیش ٹیگ پاکستان اور ہش ٹیگ ترکی کا بھی استعمال کیا تھا-

واضح رہے کہ براق اوزڈیمیر عام طور پر سوشل میڈیا پر سی زیڈ این برک کے نام سے جانے جاتے ہیں اور ترکی میں سوشل میڈیا پر سب سے زیادہ فالوورز رکھنے والی شخصیت ہیں انہوں نے اپنے ایک ویڈیو پیغام میں پاکستان آنے کی خواہش کا اظہار کیا تھا-