ظالم شوہراوربے بس بیویاں:زندگیاں عذاب بن گئیں : نشئی شوہر نے بیوی کو چھری سے ذبح کرڈالا

اسلام آباد :ظالم شوہراوربے بس بیویاں:زندگیاں عذاب بن گئیں : نشئی شوہر نے بیوی کو چھری سے ذبح کرڈالا ،اطلاعات کے مطابق وفاقی دارالحکومت کے علاقے تھانہ سہالہ کی حدود میںایک نشئی شوہر نے پیسے دینے سے انکار کرنے پر اپنی بیوی کو ذبح کردیا۔

پولیس کے مطابق تحقیقات میں یہ بات ثابت ہوئی ہے کہ کہ 5 بچوں کی ماں فرزانہ کا شوہر اپنے نشے کے لیے ہر روز پیسوں کا تقاضا کرتا اسی سلسلے میں ملزم ناصر نے ایک بار پھر نشہ لینے کے لئے پیسے مانگے لیکن اس کی بیوی نے انکار کردیا جس پر ملزم نے چھری کے وار کر کے بیوی کو ذبح کردیا۔

اسلام آباد پولیس کا کہنا ہے کہ نشئی شخص کی مقتولہ بیوی فرزانہ اور اس کے بچے لوگوں کے گھروں میں کام کاج کرکے روزی روٹی کماتے تھے۔ دوسری طرف اسلام آباد پولیس نے کارروائی کرتے ہوئے منشیات کے7 بڑے ڈیلر گرفتار کرلیے ، ہیروئن سپلائی میں ملوث 2 غیرملکی خاتون اورمرد بھی شامل ہیں ۔