اس بار پاکستان سپر لیگ (پی ایس ایل) 6 کی افتتاحی تقریب استنبول میں ریکارڈ کی جائے گی جسے 20 فروری کو نشر کیا جائے گا۔
باغی ٹی وی : پی ایس ایل 6 کی افتتاحی تقریب میں گلوکار عاطف اسلم، ریپر عمران خان، اداکارہ و ماڈل حمائمہ ملک، نصیبو لعل، آئمہ بیگ، طلحہ انجم اور طلحہٰ یونس پرفارم کریں گے سوشل میڈیا پر خبریں زیر گردش تھیں کہ پی ایس ایل کی افتتاحی تقریب میں گلوکار علی ظفر بھی پرفارم کریں گے-
I will not be performing at the opening ceremony.
— Ali Zafar (@AliZafarsays) February 14, 2021
تاہم اب گلوکار علی ظفر نے پاکستان سپر لیگ (پی ایس ایل) 6 کی افتتاحی تقریب میں پرفارم کرنے کی تردید کی ہے۔
علی ظفر نے پی ایس ایل 6 کی افتتاحی تقریب میں پرفارم کرنے کے حوالے سے مائیکرو بلاگنگ ویب سائٹ ٹوئٹر پر ٹوئٹ کی۔
انہوں نے اپنی ٹوئٹ میں لکھا کہ وہ پی ایس ایل کی افتتاحی تقریب میں پرفارم نہیں کریں گے۔
واضح رہے کہ پاکستان سپر لیگ (پی ایس ایل) کے چھٹے سیزن کی افتتاحی تقریب ترکی کے تاریخی شہر استنبول میں ہوگی ذرائع کا بتانا ہے کہ پی ایس ایل 6 کا آفیشل سونگ گانے والے فنکار ترکی پہنچ گئے ہیں-
