شاہ محمود قریشی کی عراقی ہم منصب سے ملاقات،دو طرفہ تعاون کے فروغ پر اتفاق
باغی ٹی وی کی رپورٹ کے مطابق وزیر خارجہ مخدوم شاہ محمود قریشی کی عراقی وزارت خارجہ آمد ہوئی ہے
عراقی وزیر خارجہ فواد حسین نے وزیر خارجہ کا خیر مقدم کیا دونوں وزرائے خارجہ کے مابین تہنیتی جملوں کا تبادلہ ہوا. وزیر خارجہ نے "وزٹرز بک” میں اپنے تاثرات قلمبند کیے دونوں وزرائے خارجہ کے مابین دو طرفہ ملاقات ہوئی دوران ملاقات دو طرفہ تعلقات ،کثیرالجہتی شعبہ جات میں دو طرفہ تعاون کے فروغ سمیت باہمی دلچسپی کے اہم علاقائی و عالمی امور پر تبادلہ خیال کیا گیا وزیر خارجہ نے دورہ ء عراق کی دعوت اور پرخلوص میزبانی پر عراقی وزیر خارجہ کا شکریہ ادا کیا
وزیر خارجہ شاہ محمود قریشی نے کہا کہ پاکستان، عراق کے ساتھ دو طرفہ تعلقات کو انتہائی قدر کی نگاہ سے دیکھتا ہے – دونوں ممالک کے درمیان برادرانہ تعلقات کی بنیاد یکساں تاریخی، مذہبی، اور تہذیبی اقدار ہیں- ہم نے اپنی جغرافیائی سیاسی ترجیحات کو جغرافیائی اقتصادی ترجیحات میں بدل دیا ہے – پاکستان اور عراق کے مابین، تجارت، سرمایہ کاری، تعلیم، ٹیکنالوجی، انفراسٹرکچر ڈویلپمنٹ سمیت باہمی دلچسپی کے مختلف شعبوں میں دو طرفہ تعاون کے فروغ کے وسیع مواقع موجود ہیں، پاکستان 22 کروڑ آبادی کی ابھرتی ہوئی مارکیٹ ہے جہاں سرمایہ کاری کے بے شمار مواقع میسر ہیں
قاسم سلیمانی کو ٹرمپ کی ہدایت پر مارا گیا، پینٹا گون، ٹرمپ نے کیا کہا؟
ایرانی جنرل کو مارنے کے بعد امریکہ نے دی شہریوں کو اہم ہدایات
جنرل قاسم سلیمانی کی شہادت، امریکہ نے خطے کا امن داؤ پر لگا دیا، ایسا کس نے کہا؟
ایرانی جنرل پر امریکی حملہ، چین بھی میدان میں آ گیا، بڑا مطالبہ کر دیا
تیسری عالمی جنگ، امریکا کے خطرناک ترین عزائم، سابق امریکی وزیر خارجہ کے انٹرویو نے تہلکہ مچا دیا
مشرق وسطیٰ جنگ کی طرف، ہائی پروفائل قتل کا امکان،سعودی عرب پر بھی حملہ ہو سکتا ہے، قریشی
پاکستان کی خودمختاری کا کبھی نہ سودا کیا ہے اور نہ کریں گے، شاہ محمود قریشی
وزیر خارجہ شاہ محمود قریشی کا کہنا تھا کہ باہمی دلچسپی کے امور پر تفصیلی مشاورت کیلئے، پاکستان اور عراق کے مابین مشترکہ وزارتی کمیشن (JMC ) کے نویں اجلاس کے جلد انعقاد کے متمنی ہیں یہ بات قابلِ مسرت ہے کہ اب تک 63 عراقی سفارت کار، پاکستان کی فارن سروس اکیڈمی سے سفارتی امور کی تربیت حاصل کر چکے ہیں -پاکستان، افغانستان سمیت خطے میں امن کاوشوں کا شراکت دار ہے – دہشتگردی کے خلاف جنگ میں دونوں ممالک ایک دوسرے کے تجربات سے مستفید ہو سکتے ہیں
وزیر خارجہ نے دہشت گردی کے خلاف عراقی عوام کی لازوال قربانیوں کو سراہا .وزیر خارجہ مخدوم شاہ محمود قریشی نے عراقی ہم منصب کو فلسطین اور مقبوضہ جموں و کشمیر میں جاری انسانی حقوق کی پائمالیوں کے حوالے سے پاکستان کے نکتہ نظر سے آگاہ کیا . مخدوم شاہ محمود قریشی کا کہنا تھا کہ فلسطینیوں پر ڈھائے گئے مظالم کی غیر جانبدارانہ اور آزادانہ تحقیقات کیلئے ہیومن رائٹس کونسل کے خصوصی اجلاس میں منظور کی گئی قرارداد کا خیر مقدم کرتے ہیں
وزیر خارجہ نے مشرق وسطیٰ میں قیام امن کیلئے مسئلہ فلسطین جبکہ جنوبی ایشیا میں دیر پا امن و استحکام کیلئے مسئلہ کشمیر کے منصفانہ حل کو ناگزیر قرار دیا ، دونوں وزرائے خارجہ نے کرونا وبا کے پھیلاؤ کو روکنے کیلئے عالمی سطح پر مشترکہ کاوشیں بروئے لانے کی ضرورت پر زور دیا ،وزیر خارجہ شاہ محمود قریشی کا کہنا تھا کہ پاکستان نے کرونا وبا کے دوران عراقی بھائیوں کی معاونت کیلئے طبی سامان پر مشتمل کے تین جہاز بھجوائے عراقی وزیر خارجہ جناب فواد حسین نے کرونا وبا کے دوران امدادی سامان کی فراہمی پر وزیر خارجہ اور پاکستانی قیادت کا شکریہ ادا کیا دونوں وزرائے خارجہ کے مابین اقوام متحدہ، او آئی سی سمیت بین الاقوامی فورمز پر دو طرفہ تعاون کے فروغ پر اتفاق کیا گیا
