قیمہ پھل مکھانے بنانے کا طریقہ

قیمہ پھل مکھانے

وقت : 60 سے 70 منٹ

3 سے 4 افراد کے لئے

اجزائے ترکیبی ………… مقدار …………
مٹن قیمہ ………… ½کلو
پھل مکھانے ………… 1کپ
تیل ………… ½کپ
پیاز (کٹا ہوا) ………… 1کپ
ادرک لہسن کا پیسٹ ………… 1 کھانے کا چمچ
ٹماٹر (گرائنڈ کئے ہوئے) ………… 1کپ
نمک ………… حسب ذائقہ
سرخ مرچ پاؤڈر ………… 2چائے کے چمچ
ہلدی پاؤڈر ………… ½چائے کاچمچ
موٹی الائچی ………… 2عدد
زیرہ ثابت ………… 1 چائے کا چمچ
خشک دھنیا پاؤڈر ………… 1چائے کاچمچ

سجاوٹ کے لئے :
ہری مرچیں (موٹی کٹی ہوئی قتلوں میں) ………… ½کھانے کا چمچ
گرم مصالحہ پاؤڈر ………… ½چائے کا چمچ

طریقہ کار :
برتن میں تیل گرم کرکے پیاز کوہلکا براؤن کریں۔ ادرک لہسن کا پیسٹ شامل کرکے مزید 2منٹ پکائیں۔ گرائنڈ کئے ہوئے ٹماٹر، نمک، مرچ، ہلدی،موٹی الائچی، زیرہ اور خشک دھنیا پاؤڈر ڈال کر تقریباً 10 منٹ مصالحہ تیا ہو کر گھی چھوڑنے تک پکائیں۔ مٹن قیمہ اور ایک کپ پانی شامل کریں۔ 30 سے35منٹ قیمہ مکمل پکنے تک پکائیں۔ 5سے 6منٹ گھی چھوڑنے تک بھونیں۔ اب پھل مکھانے شامل کرکے اسے دو منٹ پکائیں۔ ہری مرچوں سے سجا کر گرم مصالحہ چھڑکیں۔ نان یا روٹی کے ساتھ پیش کریں۔ پھل مکھانے ہمیشہ تازہ استعمال کریں۔