![منگنی کے حوالے سے عاصم اظہر کا بیان سامنے آ گیا #Baaghi](https://baaghitv.com/wp-content/uploads/2021/07/منگنی-کے-حوالے-سے-عاصم-اظہر-کا-بیان-سامنے-آ-گیا.jpg)
گزشتہ دنوں سے سوشل میڈیا پر عاصم اظہر اور ماڈل میرب علی کی منگنی کی خبریں زیرِ گردش ہیں تا ہم اب گلوکار نے اپنی منگنی کی خبروں پر خااموشی توڑ دی ہے-
باغی ٹی وی : گزشتہ دنوں سے سوشل میڈیا پر عاصم اظہر اور ماڈل میرب علی کی منگنی کی خبریں زیرِ گردش ہیں اور اس کے ساتھ ہی ایک اسکرین شاٹ بھی وائرل ہورہا ہے جس میں ایک مداح گلوکار سے منگنی کی خبروں کے حوالے سے سوال کرتا ہے۔
اسکرین شاٹ کے مطابق مداح کے سوال کے جواب میں عاصم اظہر منگنی کی خبروں کی تردید کرتے ہیں اور کہتے ہیں کہ میرب علی میری بہنوں کی طرح ہے۔
وائرل ہونے والے اسکرین شاٹ کے مطابق عاصم اظہر اپیل کرتے ہوئے کہتے ہیں کہ براہِ کرم! میرے اور میرب کے بارے میں اس طرح کی جھوٹی خبریں پھیلانے سے گریز کریں کیونکہ ان سے میری فیملی اور دوستوں کو پریشانی کا سامنا کرنا پڑ رہا ہے۔ میرب اور میرے حوالے سے جو بھی افواہ ہے وہ سچ نہیں ہے-
عاصم اظہر نے کہا کہ بارہ مہربانی میرے اور میرب کے حوالے سے جو بھی پوسٹس اور تصاویر ہیں ڈیلیٹ کردیں-
دوسری جانب اب عاصم اظہر نے اپنے تصدیق شدہ ٹوئٹر اکاؤنٹ پر ایک خصوصی پیغام جاری کیا ہے۔
Dear fans,
The screenshot floating around of my chat with a fan is FAKE. I request all to not spread it any further.
Also, any announcement regarding my life will be made from me directly to you like always.
I love you guys ♥️,
Asim— Asim Azhar (@AsimAzharr) July 6, 2021
عاصم اظہر نے اپنے ٹوئٹ میں مداحوں سے مخاطب ہوتے ہوئے لکھا کہ سوشل میڈیا پر مداح کے ساتھ میری چیٹ کا اسکرین شاٹ جعلی ہے، میں نے کسی مداح سے ایسی کوئی گفتگو نہیں کی ہے۔
اُنہوں نے مداحوں سے اپیل کرتے ہوئے لکھا کہ میری سب سے درخواست ہے کہ اس جعلی اسکرین شاٹ کو مزید نہ پھیلائیں نیز! میں اپنے تمام مداحوں سے بہت محبت کرتا ہوں اور ہمیشہ کی طرح اپنی زندگی کے حوالے سے کوئی بھی اعلان خود کروں گا۔