fbpx

عاصم اظہر نےماڈل میرب علی سے منگنی کر لی، ٹوئٹر پر ٹاپ ٹرینڈ

سوشل میڈیا پر وائرل خبروں کے مطابق پاکستان میوزک انڈسٹری کے نوجوان گلوکارعاصم اظہر نے اپنی دوست اور ماڈل میرب علی سے منگنی کرلی ہے۔

باغی ٹی وی : گزشتہ روز سے سوشل میڈیا کے مختلف پلیٹ فارمز پر عاصم اظہر اور ماڈل میرب علی کی منگنی کی خبریں وائرل ہو رہی ہیں سوشل میڈیا پر زیرِ گردش خبروں میں کہا جارہا ہے کہ عاصم اظہر اور میرب علی نے ایک نجی تقریب کے دوران خاموشی سے منگنی کر لی ہے۔

عاصم اظہر اور میرب علی کی منگنی کی تقریب میں اُن کے اہلِ خانہ اور چند عزیزوں نے شرکت کی۔

دوسری جانب ابھی تک عاصم اظہر اور میرب علی کی جانب سے اُن کی منگنی کی زیرِ گردش خبروں کی تردید یا تصدیق نہیں کی گئی ہے۔

عاصم اظہر اور میرب علی کی منگنی کی خبر سُننے کے بعد سوشل میڈیا صارفین کی جانب سے حیرانگی کا اظہار کیا جا رہا ہے اور مارکبادوں کا سلسلہ جاری ہے جبکہ ہیش ٹیگ عاصم اظہر ٹوئٹر پر ٹاپ ٹرینڈ کر رہا ہے جس میں جہاں مبارکبادوں اور نیک تمناؤں کا اظہار کیا جا رہا ہے وہیں عاصم اظہر اور ہانیہ عامر پر مزاحیہ میمز بھی شئیر کی جارہی ہیں-