بالی ووڈ سُپراسٹار سلمان خان کے بھائی اور اداکار اربان خان نے انکشاف کیا ہے کہ سلمان خان محبت سے متعلق بدترین مشورہ دیتے ہیں۔
باغی ٹی وی :بالی ووڈ اداکار سلمان خان اکونڈسٹری میں شاہ رخ خان سمیت سب ہی بھائی کے نام سے پکارتے ہیں اور بھائی گیری ان کی فلموں میں نظر بھی آتی ہے لیکن محبت کےمعاملے میں سلمان خان نہ صرف بڑے پردے پر بلکہ حقیقی زندگی میں بھی اس معاملے میں کمزور دکھائی دیتے ہیں اور اس بات کا اعتراف ان کے اپنے بھائی نے بھی کیا ہے-
بھارتی میڈیا کے مطابق ایک انٹریو میں ارباز خان نے انکشاف کیا کہ سلمان خان کے محبت سے متعلق خیالات بدترین ہیں اگر میں یہ کہوں کہ سلمان خان محبت سے متعلق بدترین مشورہ دیتے ہیں تو غلط نہ ہوگا اور میرا نہیں خیال کسی کو اس کی وجہ جاننے کی ضرورت ہے۔
ارباز خان نے سلمان خان کی زندگی میں محبت میں ناکامیوں سے متعلق بات کرتے ہوئے کہا کہ سلمان خان سے محبت سے متعلق مشورہ لینا ایسا ہی ہے جیسے مجھ سے کوئی اداکاری سے متعلق مشورہ لے یا پھر میں کسی کو ہیرو بننے کا مشورہ دوں۔
واضح رہے سلمان خان بالی ووڈ کی نامور اداکاراؤں کے ساتھ عشق لڑاچکے ہیں سومی علی ، سنگیتا بجلانی، ایشوریا رائے اور کترینا کیف تک کسی کے ساتھ بھی وہ اپنی محبت کو انجام تک پہنچانے میں ناکام رہے ہیں-
