ڈیرہ اسماعیل خان (اے پی پی) ڈیرہ اسماعیل خان میں کتے نے 10سالہ بچے کو کاٹ کر زخمی کردیا، ساتھ ہی علاقہ مکینوں کی دوڑیں لگ گئیں جبکہ بچے کو ہسپتال منتقل کردیا گیا ہے.
تفصیلات کے مطابق کتے نے10سالہ بچے کو کاٹ کر زخمی کردیا،زخمی بچے کو ہسپتال منتقل کردیاگیا۔ تھانہ صدر کے علاقہ لکھرا میں پالتوکتے نے گلی میں موجود دس سالہ بچے امیر حمزہ ولد سمیع اللہ سکنہ لکھرا کو کاٹ کر شدید زخمی کردیا،زخمی کو طبی امداد کےلئے ہسپتال منتقل کردیاگیا ہے۔پولیس نے متاثرہ بچے کے والد کی رپورٹ پر کتے کے مالک ملزم کلیم اللہ کیخلاف مقدمہ درج کرلیا ہے۔
اس حوالے سے علاقہ مکینوں کا کہنا تھا کہ حکومت کو چاہیے کہ علاقے سے خطرناک کتوں کوجنگلوں میں چھوڑ دیا جائے.
