پاکستان میں بڑی تعداد میں ملٹی نیشنل کمپنیوں کی آمد

فیصل آباد ( نمائندہ باغی ٹی وی ) فیصل آباد انڈسٹریل اسٹیٹ ڈویلپمنٹ اینڈ مینجمنٹ کمپنی کے چئیرمین میاں کاشف اشفاق کا کہنا ہے کہ پاکستان معاشی سرگرمیوں کا حب بننے جارہا ہے ۔ بڑی تعداد میں ملٹی نیشنل کمپنیاں پاکستان میں سرمایہ کاری کرنے کی خواہاں ہیں جس کے باعث پاکستان بہت جلد ساتھ ایشیاء میں معاشی سرگرمیوں کا مصروف ترین مرکز بن جائے گا ۔ انکا مزید کہنا تھا کہ نئی انڈسٹریل سٹییز وقت کی اہم ضرورت ہے ۔ گنجان آباد شہروں میں صنعتیں پروان نہیں چڑھ سکتی فیصل آباد کی پاور لوم انڈسٹری اور ہوزری انڈسٹری کو شہروں کی تنگ گلیوں سے نکل کر انڈسٹریل سٹیز کا حصہ بننا چاہیے جوکہ وقت کی اہم ضرورت ہے انکا مزید کہنا تھا کہ علامہ اقبال انڈسٹریل سٹی کے پرائرٹی اسپیشل اکنامک زون سے لوکل صنتکاروں کو فائیدہ اٹھانا چاہیے جہاں انہیں انکم ٹیکس میں چھوٹ اور ڈیوٹی فری مشنری کی امپورٹ جیسی سہولیات میسر ہوں گی ۔ فیصل آباد ایک انڈسٹریل سٹی ہے جہاں ہنر مند تجربہ کار سٹاف موجود ہے جوکہ انڈسٹری کی ضروریات مناسب اجرت میں پوری کرتا ہے ۔