اچانک ایسا کیا ہوا کہ وزیراعظم کی ایوان میں دوڑیں لگ گئیں

اسلام آباد: وزیراعظم عمران احمد خان نیازی اپنی تقریر مکمل کرکے ایوان سے چلے گئے.

تفصیلات کے مطابق قومی اسمبلی میں پارلیمنٹ کا مشترکہ اجلاس جاری ہے جس میں وزیراعظم عمران خان نے بھی شرکت اور تقریر کی. عمران خان نے اپنی تقریر مکمل کرنے کے بعد صرف اپوزیشن لیڈر شہباز شریف کی تقریر سنی جبکہ شہباز شریف کی تقریر مکمل ہونے کے بعد عمران خان وہاں سے چلے گئے. اس موقع پر بلاول بھٹو نے کہا کہ یہ بات انتہائی افسوسناک ہے کہ عمران خان نے صرف اپنی تقریر مکمل کی اور چلے گئے، انہیں سب کی بات سننا چاہیئے تھی. اس موقع پر بلاول بھٹو نے مزید کہا کہ آخری بار بھی ایسا ہی ہوا تھا کہ عمران خان اپنی تقریر مکمل کرکے چلے گئے تھے جو اچھی روایت نہیں ہے.

واضح رہے کہ آج قومی اسمبلی میں پارلیمنٹ کا مشترکہ اجلاس جاری ہے جہاں بھارتی جارحیت کا جواب دیا جارہا ہے.