کترینہ کیف اور وکی کوشل کی ’روکا‘ کی رسم فلمساز کبیر خان کے گھر ادا بھارتی میڈیا

اداکارہ کترینہ کیف اور اداکار وکی کوشل کی ’روکا‘ کی رسم ہوگئی۔

باغی ٹی وی : بھارتی خبررساں ادارے’انڈیا ٹوڈے‘ نے اپنی رپورٹ میں دعویٰ کیا کہ کترینہ کیف اور وکی کوشل کی ’روکا‘ کی رسم فلم ساز کبیر خان کے گھر میں ہوئی رپورٹ میں دعویٰ کیا گیا کہ ’روکا‘ کی رسم میں دونوں اداکاروں سمیت ان کے اہل خانہ اور قریبی افراد نے شرکت کی اور میڈیا سے بات کو خفیہ رکھنے کے لیے رسم کو دیوالی کے موقع پر ادا کیا گیا۔

رپورٹ میں بتایا گیا کہ مذکورہ رسم میں دولہا اور دلہن کی شادی سے متعلق باہمی رضامندی کے معاملات طے کیے جاتے ہیں-

کترینہ کیف اور وکی کوشل دسمبر میں رشتہ ازدواج میں منسلک ہوں گے

’روکا‘ کی رسم ہندو مذہب کے پیروکار شادی سے قبل ادا کرتے ہیں، مذکورہ رسم کو بعض افراد رسمی منگنی کا نام بھی دیتے ہیں تاہم زیادہ تر افراد ’روکا‘ کی رسم کو شادی کے لیے دولہا اور دلہن سمیت ان کے اہل خانہ کی باہمی رضامندی کے لیے ہونے والی ملاقات کو کہتے ہیں۔

رپورٹ میں دعویٰ کیا گیا کہ ’روکا‘ کی رسم کے بعد اب دونوں اداکار آئندہ ماہ دسمبر میں ریاست راجستھان میں شادی کے بندھن میں بندھ جائیں گے دونوں نے اپنی آنے والی فلموں کی شوٹنگ کی وجہ سے ہنی مون نہ منانے کا فیصلہ بھی کیا ہے اور شادی کے فوری بعد دونوں شوٹنگ پر چلے جائیں گے۔

رپورٹ میں واضح کیا گیا کہ تاحال وکی کوشل اور کترینہ کیف نے شادی سے متعلق کوئی بیان نہیں دیا اور نہ ہی انہوں نے کسی کو شادی کے دعوت نامے بھجوائے ہیں، تاہم اس کے باوجود دعویٰ کیا گیا کہ دونوں دسمبر میں شادی کریں گے۔

یو ٹیوبر شاہ ویر جعفری رشتۂ ازدواج میں منسلک

اسی حوالے سے ’فلم فیئر‘ نے بھی بتایا کہ وکی کوشل اور کترینہ کیف نے دیوالی کے موقع پر ’روکا‘ کی رسم ادا کرلی اور آئندہ ماہ دونوں شادی کے بندھن میں بندھ جائیں گے رسم کی ادائیگی کے لیے دونوں اداکار الگ الگ فلم ساز کبیر خان کے گھر پہنچے جب کہ ان کے اہل خانہ بھی مذکورہ مقام پر علیحدہ علیحدہ پہنچے۔

واضح رہے کہ ان کی ’روکا‘ کی رسم کی خبروں سے قبل گزشتہ ماہ اکتوبر کے آخر میں یہ خبریں سامنے آئی تھیں کہ دونوں رواں برس دسمبر میں رشتہ ازدواج میں بندھ جائیں گے تاہم ایسی خبروں کے فوری بعد کترینہ کیف نے ’بولی وڈ لائف‘ سے خصوصی بات کرتے ہوئے شادی کی خبروں کو جھوٹا قرار دیا تھا انہوں نے مختصرا بتایا تھا کہ وہ دسمبر 2021 میں شادی نہیں کرنی جا رہیں۔

کیا عالیہ اور رنبیر دسمبر میں شادی کرنے والے ہیں؟ عالیہ کی والدہ کا بیان سامنے آ…